ଟିଟିଲାଗଡ଼: ଟିଟିଲାଗଡ଼ ବ୍ଳକ ଅନ୍ତର୍ଗତ ଖୋଲାନ ପଞ୍ଚାୟତ କାର୍ଯ୍ୟାଳୟଠାରେ ଟିଟିଲାଗଡ଼ ତାଳୁକ ଆଇନ ସେବା ସମିତି ପକ୍ଷରୁ ଜାତୀୟ ଆଇନ ସେବା ଦିବସ ପାଳିତ ହୋଇଯାଇଛି। କାର୍ଯ୍ୟକ୍ରମରେ ଟିଟିଲାଗଡ଼ ତାଳୁକ ସମିତି ଅଧ୍ୟକ୍ଷ ତଥା ଏଡିଜେ ରାଜକିଶୋର ମହାପାତ୍ର, ସବଜଜ୍ ରମାକାନ୍ତ ମହାନ୍ତି ଯୋଗଦେଇ ଗରିବ ଧନୀ ନିର୍ବିଶେଷରେ ସଭିଙ୍କ ପାଇଁ ଆଇନ ସେବା ଯୋଗାଇବା ପାଇଁ ବ୍ୟବସ୍ଥା ରହିଛି ବୋଲି କହିଥିଲେ। ଗରିବ, ଅସହାୟ ପରିବାର, ମହିଳା, ଭିନ୍ନକ୍ଷମ ବର୍ଗ ନ୍ୟାୟ ପାଇବାକୁ ମାଗଣାରେ ଆଇନ ସେବା ଯୋଗାଇ ଦିଆଯାଉଛି। ଏଥିରୁ ଅବହେଳିତ ବର୍ଗ ଲାଭାନ୍ୱିତ ହେବା ସହ ନିଜ ସାମ୍ବିଧାନିକ ହକ ସାବ୍ୟସ୍ତ କରନ୍ତୁ ବୋଲି କହିଥିଲେ। ସରପଞ୍ଚ ନରେଶ ଅଗ୍ରୱାଲ, ନିର୍ବାହୀ ଅଧିକାରୀ ସୁରେନ୍ଦ୍ର ମିଶ୍ର, ଲିଗାଲ ପାନେଲ ସଦସ୍ୟ ପ୍ରଫୁଲ୍ଲ ବିଶି ପ୍ରମୁଖ ମଞ୍ଚାସିନ ଥିଲେ। ସମିତି ଫ୍ରଣ୍ଟ ରିଟେନର ଜୟନ୍ତ ପଣ୍ଡା ସଭା ପରିଚାଳନା ତଥା ସମିତି କିରାଣୀ ଜିବର୍ଦ୍ଧନ ଛତ୍ରିଆ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ। ଆଇନଜୀବୀ ବେଦପ୍ରକାଶ ବେହେରା, ଜିଆରଏସ ଶକ୍ତିଶ୍ୱର ମୁଗ୍ରୀ, ଜେଏସ ମଗଶିର ବିଶି ତଥା ବହୁ ସଂଖ୍ୟାରେ ମହିଳା ଗୋଷ୍ଠୀ ସଦସ୍ୟା ଉପସ୍ଥିତ ଥିଲେ।
Popular Categories
Previous article
Next article