ଟିଟିଲାଗଡ଼ : ଟିଟିଲାଗଡର ଝିଅ ଅଲିଶା ନାଗ ନିଜ ଅଧ୍ୟବସାୟ ବଳରେ ନିଜ ପରିବାର ତଥା ଅଞ୍ଚଳ ନାମକୁ ପ୍ରସିଦ୍ଧି ଆଣି ଦେଇଛନ୍ତି। ଓଡିଶା ପାୱାର ଲିଫ୍ଟିଙ୍ଗ ଏକାଡେମୀ ପକ୍ଷରୁ ଭୁବନେଶ୍ୱର ଠାରେ ଅନୁଷ୍ଠିତ ଅଲ ଓଡିଶା ଓପନ କ୍ଲାସିକ ବେଞ୍ଚ ପ୍ରେସ ଚମ୍ପିୟାନ ୨୦୨୦ରେ ଅଲିଶା ଏହି ନୁତନ କିର୍ତ୍ତିମାନ ସ୍ଥାପନ କରିଛନ୍ତି। ୫୨ କେଜି ବର୍ଗରେ ୫୫ କେଜି ବେଞ୍ଚ ପ୍ରେସରେ ପ୍ରଥମ ସ୍ଥାନ ଅଧିକାର କରିଥିବା ଅଲିଶାଙ୍କୁ ଷ୍ଟ୍ରଙ୍ଗ ଓମେନ ଓଡିଶା ୨୦୨୦ ସମ୍ମାନ ତଥା ଟ୍ରଫି ଏବଂ ଅର୍ଥ ରାଶି ପ୍ରଦାନ କରାଯାଇଛି। ୧୭ ବର୍ଷିୟା ଅଲିଶା ପୁର୍ବରୁ ପଶ୍ଚିମ ଓଡିଶା ତଥା ରାଜ୍ୟ କ୍ଷେତ୍ରରେ ଅନୁଷ୍ଠିତ ପ୍ରତିଯୋଗିତାରେ ଭାଗ ନେଇ ସଫଲତା ହାସଲ କରିଛନ୍ତି। ଆଗାମୀ ଦିନରେ ତାଙ୍କର ଏକ ଉଜ୍ଜ୍ୱଳମୟ ଭବିଷ୍ୟତ ରହିଥିବା ସ୍ଥାନୀୟ କ୍ରିଡାବିତ ଶୁଭେଚ୍ଛା ଜଣାଇଛନ୍ତି। ସେହିପରି ଏହି ପ୍ରତିଯୋଗିତାରେ ଅଲିଶାଙ୍କ ଭାଇ ଆଶିଷ ନାଗ (୨୦) ୬୬ କେଜି ବର୍ଗରେ ୧୨୦ କେଜି ବେଞ୍ଚ ପ୍ରେସ ସହ ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ଟିଟିଲାଗଡ ହାଟପଦା ପଡା ଜଗନ୍ନାଥ ନାଗ ଏବଂ ନିଲେନ୍ଦ୍ରୀଙ୍କ ଏହି ଦୁଇ ସୁଯୋଗ୍ୟ ସନ୍ତାନଙ୍କ ସଫଲତାକୁ ନେଇ ବିଶେଷ କରି ଯୁବବର୍ଗରେ ଉତ୍ସାହ ସୃଷ୍ଟି କରିଛି। ସଫଳ ପ୍ରତିଯୋଗି ଦ୍ୱୟଙ୍କ କୋଚ ସନ୍ତୋଷ ସାହୁ ଯୁବବର୍ଗ ସ୍ୱାସ୍ଥ୍ୟ ରକ୍ଷା ତଥା କ୍ୟାରିୟର ଗଢିବାକୁ ବିଭିନ୍ନ କ୍ରୀଡା ପ୍ରତି ଆଗେଇ ଆସିବାକୁ ଆହ୍ୱାନ କରିଛନ୍ତି।
Comments are closed.