ଟିଟିଲାଗଡ଼ : ନାଗରିକ ମଞ୍ଚ ଟିଟିଲାଗଡ଼ ପକ୍ଷରୁ ପୁଲୱାମା ସହିଦ ଦିବସ ଅବସରରେ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଆଜି ଏନେଇ ସ୍ଥାନୀୟ ପଞ୍ଚାୟତି ମହାବୀର ଧର୍ମଶାଳା ଠାରେ ନାଗରିକ ମଞ୍ଚ ପକ୍ଷରୁ ଶ୍ରଦ୍ଧାଞ୍ଜଳି ସଭା ଏବଂ ରକ୍ତଦାନ ଶିବିର ଆୟୋଜିତ ହୋଇଛି । ମଞ୍ଚ ସଭାପତି ରାଧାକାନ୍ତ ପାଢ଼ୀଙ୍କ ତତ୍ୱାବଧାନରେ ଅନୁଷ୍ଠିତ କାର୍ୟ୍ୟକ୍ରମରେ ଟିଟିଲାଗଡ଼ ଉପଜିଲ୍ଲାପାଳ ଦୟାମୟ ପାଢ଼ୀ ଯୋଗ ଦେଇ ସହିଦଙ୍କ ଫୋଟୋ ଚିତ୍ରରେ ପୁଷ୍ପଗୁଛ ଅର୍ପଣ ସହ ଦେଶ ପାଇଁ ବୀରଙ୍କ ସହିଦ ଗାଥା ଆମକୁ ଦେଶ ପ୍ରତି ସମର୍ପିତ ହେବାକୁ ପ୍ରେରଣା ଦେଉ ବୋଲି କହିଛନ୍ତି ।
ଉପଜିଲ୍ଲାପାଳ ରକ୍ତଦାନ ଶିବିର ଉଦଘାଟନ କରିଥିବା ବେଳେ ସମାଜସେବୀ ଦୁର୍ଗେଶ ନନ୍ଦିନୀ ସାହୁ ପ୍ରଥମେ ରକ୍ତଦାନ କରିଥିଲେ । ଶିବିରରେ ସହାୟକ ଜିଲାପାଳ ଚନ୍ଦ୍ରପ୍ରକାଶ ଦେହୁରୀ, ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ରାଜେନ୍ଦ୍ର ମାଝୀ, ମଞ୍ଚ ସଂଗଠନ ସମ୍ପାଦକ ମନୋଜ ହାତୀ, ଉପସଭାପତି ପଦ୍ମନାଭ ବେହେରା, ପୂର୍ବ ନଗରପାଳ ଶୁଭ୍ରାଂଶୁ ଶେଖର ଦାଶ, ଲାୟନ୍ସ କ୍ଲବ ସଭାପତି ଲିଙ୍ଗରାଜ ସାହୁ, ସମ୍ପାଦକ ଶୈଳେଶ ଗୋୟଲ, ବଣିକ ସଂଘ ସଭାପତି ଶମ୍ଭୁପ୍ରସାଦ ଗୋଏଲ, ଜିଲା ସରପଞ୍ଚ ସଂଘ ସଭାପତି ବୀରବର ସାହୁ, ନାରୀ ସଂଗଠନ ସଭାନେତ୍ରୀ ଅଞ୍ଜଳି ବେହେରା, ବ୍ଲକ ସରପଞ୍ଚ ସଂଘ ସମ୍ପାଦକ ନରେଶ ଅଗ୍ରୱାଲ, ରକ୍ତଦାତା ସଂଘ ସଭାପତି ବନମାଲି ବେହେରା, ଈଶ୍ୱର ଜୈନ, ହରିନାରାୟଣ ମିଶ୍ର, ସୁଧୀର ଘଡେଇ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ସମାଜସେବା ତଥା ରକ୍ତଦାନ କ୍ଷେତ୍ରରେ ଉଲ୍ଲେଖନୀୟ କାର୍ୟ୍ୟ ନେଇ ଟିଟିଲାଗଡ଼ ଲାୟନ୍ସ କ୍ଲବ, ସନ୍ତୋଷ ପୋଢ଼, ଅଜୟ ବେହେରା, ବବ୍ଲୁ ରଣା, ସରୋଜ ବେହେରାଙ୍କୁ ଉପଜିଲ୍ଲାପାଳ ସମ୍ବର୍ଦ୍ଧିତ କରିଥିଲେ ।
ପୁଲୱାମା ସହିଦଙ୍କ ଶ୍ରଦ୍ଧାଞ୍ଜଳିରେ ରକ୍ତଦାନ
Popular Categories
Previous article
Next article