ଟିଟିଲାଗଡ଼:ଟିଟିଲାଗଡ଼ରେ ଦିନକୁ ଦିନ ବଢ଼ି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା। କରୋନା ମହାମାରୀକୁ ପ୍ରତିହତ କରିବା ପାଇଁ ଟିଟିଲାଗଡ଼ ପ୍ରଶାସନ ପକ୍ଷରୁ ବ୍ୟାପକ ପଦକ୍ଷେପ ନିଆଯାଇଛି। ଏଥିପାଇଁ ସାନ୍ଧ୍ୟକାଳୀନ କର୍ଫ୍ୟୁ ଓ ସଟଡାଉନକୁ ଟିଟିଲାଗଡ ପ୍ରଶାସନ କଡାକଡି କରିଥିବା ଦେଖାଯାଇଛି। ଏନେଇ ଉପଜିଲାପାଳ ସୌମେଶ ଉପାଧ୍ୟାୟ ଏବା ବରିଷ୍ଠ ପୁଲିସ ଅଧିକାରୀ ସହରର ବିଭିନ୍ନ ଅଞ୍ଚଳ ବୁଲିବା ସହ ଅମାନିଆଙ୍କ ବାଇକ ଜବତ କରିଛନ୍ତି। ବିନା କାରଣରେ ଏବଂ କୌଣସି ଜରୁରୀ କାମ ନ ଥାଇ ସହରର ବିଭିନ୍ନ ଅଞ୍ଚଳରେ ଘୁରି ବୁଲୁଥିବା ଯୁବକଙ୍କ ବାଇକଗୁଡ଼ିକୁ ଉପଜିଲାପାଳ ଜବତ କରିଛନ୍ତି ଏବଂ ଜବତ ହୋଇଥିବା ବାଇକ୍ଗୁଡ଼ିକୁ ଟ୍ରାକ୍ଟରରେ ଲଦି ଥାନାକୁ ଅଣାଯାଇଥିବା ଜଣାଯାଇଛି। ଏନେଇ ଅମାନିଆଙ୍କ ମଧ୍ୟରେ କୋକୁଆଭୟ ସୃଷ୍ଟି ହୋଇଥିବା ବେଳେ ଆଜି ସଟଡାଉନରେ ସହର ଶୁନଶାନ ପରିଲକ୍ଷିତ ହୋଇଛି। ତହସିଲଦାର ଆନନ୍ଦ ପଣ୍ଡା ଆଜି ସହରରେ ଅନେକ ଅମାନିଆଙ୍କ ଠାରୁ ଜୋରିମାନା ଆଦାୟ କରିଛନ୍ତି। ଥାନା ଆଇଆଇସି ପ୍ରଭାତ ରଞ୍ଜନ ମହାନ୍ତି, ଏସଆଇ ମନୋଜ ମୁଣ୍ଡା ଅମାନିଆଙ୍କ ଉପରେ କଡା ନଜର ରଖିଛନ୍ତି।
Popular Categories
Previous article
Next article