ତିଗିରିଆ: ବାତ୍ୟା ଜୱାଦକୁ ନେଇ ତିଗିରିଆ କୃଷି ସୂଚନା ଓ ପରାମର୍ଶ କେନ୍ଦ୍ର ପକ୍ଷରୁ ଗୁରୁବାର ଡାକବାଜି ଯନ୍ତ୍ର ସାହାଯ୍ୟରେ ଅଞ୍ଚଳର ଚାଷୀଙ୍କୁ ସତର୍କ କରାଯାଇଛି। ବ୍ଲକର ୧୪ଗୋଟି ପଞ୍ଚାୟତରେ ସମ୍ଭାବ୍ୟ ପ୍ରତିକୂଳ ପାଣିପାଗ ସମ୍ପର୍କରେ ସଚେତନ କରାଯାଇ ବିଭିନ୍ନ ସଲକୁ କିଭଳି ଭାବେ ଚାଷୀ ସୁରକ୍ଷିତ ରଖିବେ ତାହା କୁହାଯାଇଛି। ବିଶେଷ କରି ଧାନ ‘ସଲ ଯାହା ୮୫ପ୍ରତିଶତ ପାଚିଯାଇଛି ତାହାକୁ ତୁରନ୍ତ ଅମଳ କରି ସୁରକ୍ଷିତ ରଖିବା, ପରିପକ୍ୱ ହୋଇଯାଇଥିବା ପନିପରିବାକୁ ତୋଳି ଆଣିବାକୁ ପରାମର୍ଶ ଦିଆଯାଇଛି।
ଏହାଛଡ଼ା ଆସନ୍ତା ୪/୫ଦିନ ପାଇଁ ଚାଷୀ କୌଣସି ରବି ସଲ ବୁଣାବୁଣି ନକରିବାକୁ ପରାମର୍ଶ ଦିଆଯାଇଛି। ଏହି ଚାଷୀ ସତର୍କତା କାର୍ଯ୍ୟକ୍ରମକୁ ନେଇ କୃଷି କାର୍ଯ୍ୟାଳୟ ଠାରେ ତିଗିରିଆ ସହକାରୀ କୃଷି ଅଧିକାରୀ ଦେବୀ ପ୍ରସାଦ ପୃଷ୍ଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆତ୍ମା ଅଧ୍ୟକ୍ଷ ହରେନ୍ଦ୍ର ଦଳେଇ, ଉପାଧ୍ୟକ୍ଷ ଗୌରହରି ପରିଡ଼ା, ଗ୍ରାମ୍ୟ କୃଷି କର୍ମଚାରୀ ପ୍ରଦୀପ୍ତ କିଶୋର କରଣ, ଜ୍ୟୋତିମର୍ୟୀ ସାହୁ, ଦିବ୍ୟଶଙ୍କର କିସାନ ପ୍ରମୁଖ ଉପସ୍ଥିତ ଥିଲେ।
