ସମାଜ ଡିଜିଟାଲ ଡେସ୍କ: ଚାକିରି ହରାଇବାକୁ ଯାଉଛନ୍ତି ୧୫ ହଜାର କର୍ମଚାରୀ। ଆଇଟି କମ୍ପାନୀ ଇଣ୍ଟେଲ ଏହାର ୧୫ ପ୍ରତିଶତ କର୍ମଚାରୀଙ୍କୁ ଛଟେଇ କରିବାକୁ ଘୋଷଣା କରିଛି। ଖର୍ଚ୍ଚ କାଟ ଉଦ୍ଦେଶ୍ୟରେ କମ୍ପାନୀ ଏହି ପଦକ୍ଷେପ ନେବାକୁ ଯାଉଛି ବୋଲି ଏହାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ପ୍ୟାଟ୍ ଜେଲସିନ୍ଗର ଏକ ବିବୃତି ଜାରି କରି ଦର୍ଶାଇଛନ୍ତି। ଏହା କମ୍ପାନୀ ପାଇଁ ଏକ କଠିନ ନିଷ୍ପତ୍ତି ବୋଲି ସେ କହିଛନ୍ତି।
ଛଟେଇ ସମ୍ପର୍କରେ କମ୍ପାନୀ ପକ୍ଷରୁ କୁହାଯାଇଛି, ନୂଆ ପରିଚାଳନା ମଡେଲ ସହିତ ଖାପଖୁଆଇ ଆଗକୁ ବଢ଼ିବା ଏବଂ କର୍ମଚାରୀଙ୍କ ଅବସରକାଳୀନ ସୁବିଧା ପରିସର ବୃଦ୍ଧି କରିବା ଲାଗି କମ୍ପାନୀ ପଦକ୍ଷେପ ନେଇଛି। ବର୍ତ୍ତମାନ କମ୍ପାନୀର ଖର୍ଚ୍ଚ ବହୁତ ମାତ୍ରାରେ ବୃଦ୍ଧି ପାଇଛି। ଯେଉଁଥିପାଇଁ ୧୫ ପ୍ରତିଶତ, ପ୍ରାୟତଃ ୧୫ ହଜାର କର୍ମଚାରୀଙ୍କୁ ଚାକିରିରୁ ବାହାର କରିବାକୁ ନିଷ୍ପତ୍ତି ହୋଇଥିବା ସିଇଓ କହିଛନ୍ତି।
Comments are closed.