ନୂଆଦିଲ୍ଲୀ: ଆଜି ଭାରତୀୟ ନିର୍ବାଚନ କମିଶନ(ଇସିଆଇ) ପକ୍ଷରୁ ନିର୍ବଚାନୀ ବଣ୍ଡକୁ ସାର୍ବଜନୀନ କରାଯାଇଛି। ଭାରତୀୟ ଷ୍ଟେଟ ବ୍ୟାଙ୍କ(ଏସବିଆଇ) ପକ୍ଷରୁ ଦାଖଲ ହୋଇଥିବା ତଥ୍ୟକୁ ଇସିଆଇ ପକ୍ଷରୁ ୱେବସାଇଟରେ ଅପଲୋଡ କରାଯାଇଛି। ଏହି ବଣ୍ଡକୁ ନିର୍ବାଚନ କମିଶନ ୧୫ ତାରିଖ ସୁଦ୍ଧା ସାର୍ବଜନୀନ କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଥିଲେ। ଏହି ଆଧାରରେ ଗୋଟିଏ ଦିନ ପୂର୍ବରୁ ଇସିଆଇ ୱେବସାଇଟରେ ନିର୍ବାଚନୀ ବଣ୍ଡର ସମସ୍ତ ତଥ୍ୟ ଅପଲୋଡ କରାଯାଇଛି।
ସୁପ୍ରିମକୋର୍ଟଙ୍କ ନିର୍ଦେଶରେ ଏସବିଆଇ ନିର୍ବାଚନୀ ବଣ୍ଡର ତଥ୍ୟ ଦାଖଲ କରିଥିଲା। ଆଜି ସୁପ୍ରିମକୋର୍ଟଙ୍କ ନିର୍ଦେଶ ଅନୁସାରେ ଏସବିଆଇ ତଥ୍ୟକୁ ଇସିଆଇ ସାର୍ବଜନୀନ କରିଛି। ପିଭିଆର, କେଭେଣ୍ଡର, ସନ ଫାର୍ମା, ଟରେଣ୍ଟ ପାୱାର କିଣିଛନ୍ତି ନିର୍ବାଚନୀ ବଣ୍ଡ। ସେହିପରି ଭାରତୀ ଏୟାରଟେଲ, ଡିଏଲଏଫ କମର୍ସିଆଲ ଡେଭଲପର୍ସ, ବେଦାନ୍ତ ବି କ୍ରେତା ରହିଛନ୍ତି। ଦାତା ତାଲିକାରେ ଗ୍ରାସିମ ଇଣ୍ଡଷ୍ଟ୍ରିଜ, ପିରାମଲ କ୍ୟାପିଟାଲ ଆଣ୍ଡ ହାଉସିଂ ଫିନାନ୍ସ, ପେଗାସସ ପ୍ରପର୍ଟିଜ, ବାଜାଜ ଫାଇନାନ୍ସ, ଜିନ୍ଦଲ ପଲି ଫିଲ୍ମ, ଫିଲୋଲେକ୍ସ କେବୁଲ ଇତ୍ୟାଦି ରହିଥିବା ସୂଚନା ଦିଆଯାଇଛି। ଗୋଟିଏରେ ଇଲେକ୍ଟୋରାଲ ବଣ୍ଡର ମୂଲ୍ୟ, କ୍ରେତା ଓ କ୍ରୟ ତାରିଖ ରହିଛି। ଅନ୍ୟଟିରେ ବଣ୍ଡକୁ ଏନକ୍ୟାସ କରିଥିବା ଦଳର ନାଁ, ତାରିଖ ଓ ମୂଲ୍ୟ ଉଲ୍ଲେଖ କରାଯାଇଛି।
Comments are closed.