ଭୁବନେଶ୍ଵର : କରୋନା ପାଇଁ ସମଗ୍ର ଦେଶ ଲକ୍ ଡାଉନ ରହିଛି । ଏହି ଲକ୍ ଡାଉନ ସମୟରେ ପାଇଁ ବହୁ ଓଡ଼ିଆ ବିଭିନ୍ନ ରାଜ୍ୟରେ ଫସି ରହିଛନ୍ତି । ଏହି ସମୟରେ ପ୍ରବାସୀ ଓଡିଆମାନେ ଯେପରି କୌଣସି ଅସୁବିଧାର ସମ୍ମୁଖୀନ ନହୁଅନ୍ତି ଏବଂ ସେମାନଙ୍କ ପାଖରେ ସହାୟତା ପହଞ୍ଚୁଛି କି ନାହିଁ ତାହାର ତଦାରଖ କରିବା ପାଇଁ ବିଧାନସଭାରେ ଅଭିଯୋଗ ପ୍ରକୋଷ୍ଠ ଖୋଲିବ । ଆସନ୍ତାକାଲିଠାରୁ ଏହି ଅଭିଯୋଗ ପ୍ରକୋଷ୍ଠ କାର୍ଯ୍ୟକ୍ଷମ ହେବ ବୋଲି ବିଧାନସଭା ବାଚସ୍ପତି ସୂର୍ଯ୍ୟନରାୟଣ ପାତ୍ର ସୂଚନା ଦେଇଛନ୍ତି ।
ରାଜ୍ୟର ସସସ୍ତ ବିଧାୟକ ଏବଂ ସାଂସଦ ନିଜ ନିର୍ବାଚନ କ୍ଷେତ୍ରର କେତେ ଶ୍ରମିକ ବାହାର ରାଜ୍ୟରେ କାମ କରୁଛନ୍ତି ତାହାର ତଥ୍ୟ ଦେବେ । ଶ୍ରମିକ ମାନଙ୍କ ନାମ, ଠିକଣା, ଫୋନ ନମ୍ବର ବିଧାନସଭାରେ ଦାଖଲ କରିବେ । ଯାହା ଦ୍ବାରା ବାହାର ରାଜ୍ୟରେ ଫଶି ରହିଥିବା ପ୍ରବାସୀ ଓଡିଆଙ୍କ ଥଇଥାନ କରାଯାଇ ପାରିବ ।
ସୂଚନାଯୋଗ୍ୟ ଆଜି ଲୋକସଭାର ବାଚସ୍ପତି ଓମ୍ ବିର୍ଲା ଭିଡିଓ କନଫରେନ୍ସିଂରେ ସବୁ ରାଜ୍ୟର ବାଚସ୍ପତିଙ୍କ ସହ ଆଲୋଚନା କରିଛନ୍ତି। ଓଡିଶା ବିଧାନସଭା ବାଚସ୍ପତି ସୂର୍ୟ୍ୟ ନାରାୟଣ ପାତ୍ର ମଧ୍ୟ ଏହି ଭିଡିଓ କନଫରେନ୍ସିଂରେ ଭାଗ ନେଇଥିଲେ । ଏହି ଆଲୋଚନା ସମୟରେ କରୋନା ମୁକାବିଲା ଘଡ଼ିସନ୍ଧି ମୁହୂର୍ତ୍ତରେ ବିଧାନସଭାର ଦାୟିତ୍ୱ ଓ କର୍ତ୍ତବ୍ୟ ନେଇ ମଧ୍ୟ ଆଲୋଚନା ହୋଇଥିବା ସୂଚନା ମିଳିଛି।
