ଭୁବନେଶ୍ବର : ରାଜ୍ୟରେ ୪୪ ନମ୍ବର କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି। ସେ ପଶ୍ଚିମବଙ୍ଗର ମେଦିନପୁରରୁ ଆସି ଭୁବନେଶ୍ବରରେ ଚିକିତ୍ସିତ ହେଉଥିଲେ। ପ୍ରଥମେ ତାଙ୍କ ରକ୍ତ ନମୂନାରେ କରୋନା ପଜିଟିଭ ଆସିଥିଲା। ପରେ ଦୁଇଥର ତାଙ୍କ ରକ୍ତ ନମୁନା ପରୀକ୍ଷା କରାଯାଇଥିଲା। ଏହି ରିପୋର୍ଟରେ ତାଙ୍କର କରୋନା ନେଗେଟିଭ ଆସିଥିଲା। ହେଲେ ସେ ଅନ୍ୟରୋଗରେ ପୀଡିତ ଥିବାରୁ ତାଙ୍କର ମୃତ୍ୟୁ ଘଟିଛି । ତାଙ୍କର ମୃତ୍ୟୁ ମଲଟି ଅର୍ଗାନ ଓ ହାଇପୋପିଟ୍ୟୁରିଜମ ଯୋଗୁ ଘଟିଛି ବୋଲି ରାଜ୍ୟ ଲୋକସମ୍ପର୍କ ବିଭାଗ ପକ୍ଷରୁ ଟ୍ବିଟ କରି ସୂଚନା ଦିଆଯାଇଥିଲା ।
Covid positive Case No. 44
Patient was a resident of West Bengal, had previously been operated at a private hospital in Bhubaneswar for pituitary tumor.Recently he had come for follow up treatment to the same hospital, where he was detected as Covid positive.
— I & PR Department, Odisha (@IPR_Odisha) April 21, 2020
ପରେ ରାଜ୍ୟ ସରକାରଙ୍କ କୋଭାଡ଼-୧୯ ମୁଖପାତ୍ର ସୁବ୍ରତ ବାଗଚୀ କହିଛନ୍ତି ଯେ, କ୍ୟାନସରରେ ପୀଡ଼ିତ ଏହି ରୋଗୀଙ୍କର ଅସ୍ତ୍ରୋପଚାର କରାଯାଇଥିଲା। ଏହି ରୋଗୀଙ୍କର ମୃତ୍ୟୁ କ୍ୟାନସରରେ ହୋଇଛି। ଫଳରେ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୧ରେ ସୀମିତ ରହିଛି ବୋଲି ରାଜ୍ୟ ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇଛି।
