ମୁମ୍ବଇ: ହନ୍ସଲ୍ ମେହଟ୍ଟାଙ୍କ ଆଗାମୀ ଚଳଚ୍ଚିତ୍ର ‘ଦି ବକିଙ୍ଗହାମ୍ ମର୍ଡର୍ସ’ ଚଳିତ ବର୍ଷର ବହୁପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ। ଏହି ଅପରାଧ-ରହସ୍ୟମୟ-ରୋମାଞ୍ଚକର ଚଳଚ୍ଚିତ୍ରରେ କରୀନା କପୁର ମୁଖ୍ୟ ଭୂମିକାରେ ଅଭିନୟ କରିଛନ୍ତି। ମଙ୍ଗଳବାର ଫିଲ୍ମର ଟ୍ରେଲର ରିଲିଜ୍ ହୋଇଛି। ଏଥିରେ କରୀନାଙ୍କ ପ୍ରଭାବଶାଳୀ ଭୂମିକାର ଝଲକ୍ ଦେଖିବାକୁ ମିଳିଛି।
ଚଳଚ୍ଚିତ୍ରରେ କରୀନା ଜସମିତ ବାମରା ଚରିତ୍ରରେ ଅବତ୍ତୀର୍ଣ୍ଣ, ଯିଏ ଜଣେ ବ୍ରିଟିଶ-ଭାରତୀୟ ଗୁପ୍ତଚର। ଜସମିତଙ୍କୁ ୱାୟକୋମ୍ବରେ ଏକ ଶିଶୁ ହତ୍ୟା ଘଟଣାର ତଦନ୍ତ ଦାୟିତ୍ଵ ଦିଆଯାଇଛି। ହତ୍ୟା କାରଣରୁ ସାମ୍ପ୍ରଦାୟିକ ଉତ୍ତେଜନା ସୃଷ୍ଟି ହେଉଛି, ଯାହା ଏହି ଘଟଣାରେ ଜଣେ ମୁସଲମାନ କିଶୋରକୁ ଗିରଫ କରିବା ପରେ ହିଂସାର ରୂପ ନେଉଛି। କରୀନା ଏହି ରହସ୍ୟ ଉନ୍ମୋଚନ କରିବାକୁ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ଏହି ସମୟରେ ତାଙ୍କୁ ନିଜ ବ୍ୟକ୍ତିଗତ ଜୀବନର ଦୁଃଖ ସହ ମଧ୍ୟ ଲଢିବାକୁ ପଡ଼ୁଛି। ଚଳିତ ବର୍ଷ ସେପ୍ଟେମ୍ବର ୧୩ରେ ପରଦାକୁ ଆସିବ ‘ଦି ବକିଙ୍ଗହାମ୍ ମର୍ଡର୍ସ’।
