ନ୍ୟୁୟର୍କ : ଆମେରିକା ସମେତ ବିଶ୍ବର ଅନେକ ଦେଶରେ ଏବେ ତାପମାତ୍ରା ଭୀଷଣ ବଢିବାରେ ଲାଗିଛି । ଏସିଆ ଓ ୟୁରୋପ ମହାଦେଶରେ ଲୋକେ ଗରମରେ ହନ୍ତସନ୍ତ ହେଉଛନ୍ତି । ସାଉଦି ଆରବରେ ତାପମାତ୍ରା ୫୧ ଡିଗ୍ରୀ ସେଲସିୟସରୁ ଅଧିକ ରହିଛି । ଲୋକଙ୍କୁ ଗରମରୁ ଆଶ୍ବସ୍ତି ଦେବା ପାଇଁ ସୁଇମିଂ ପୁଲ ରାତି ୧୨ଟା ପର୍ଯ୍ୟନ୍ତ ଖୋଲା ରହୁଛି । ଅନ୍ୟପଟେ ନ୍ୟୁୟର୍କ ସହରରେ ପାଣିରେ ବୁଡି ୨୧ ଜଣଙ୍କ ମୃତ୍ୟୁ ଘଟିବା ଖବର ସାମ୍ନାକୁ ଆସିଛି । ୨୧ ଜଣଙ୍କ ମଧ୍ୟରୁ ୨ ଜଣ ଶିଶୁ ଥିଲେ । ସେମାନେ ପହଁରିବା ଜାଣିନଥିଲେ ଏବଂ ଗରମରୁ ରକ୍ଷା ପାଇବା ପାଇଁ ସୁଇମିଂ ପୁଲକୁ କୁଦିଥିଲେ ବୋଲି ସୂଚନା ମିଳିଛି ।
ଏହା ପୂର୍ବରୁ ଆମେରିକାର ଭୟଙ୍କର ଗରମ ୧୯୩୬ରେ ଦେଖିବାକୁ ମିଳିଥିଲା । ସେବେ ଇଲିନୋଇସରେ ତାପମାତ୍ରା ୩୭.୭ ଡିଗ୍ରୀ ଏବଂ ଉତ୍ତର ଡକୋଟାରେ ୪୮.୮ ଡିଗ୍ରୀ ସେଲସିୟସ ପର୍ଯ୍ୟନ୍ତ ପହଞ୍ଚି ଯାଇଥିଲା ଏବଂ ଏଥିରେ ପ୍ରାୟ ୫ ହଜାର ଲୋକଙ୍କ ମୃତ୍ୟୁ ହୋଇଥିଲା । ଆମେରିକା ପାଣିପାଗ ବିଭାଗ ଫିନିକ୍ସ ସମେତ ଅନେକ ଅଞ୍ଚଳର ତାପମାତ୍ରା ୪୫.୫ ଡିଗ୍ରୀ ସେଲସିୟସ ପର୍ଯ୍ୟନ୍ତ ପହଞ୍ଚିବା ଅନୁମାନ ଲଗାଇଛି । ଅନ୍ୟପଟେ ସର୍ବିୟାରେ ପାଣିପାଗ ବିଶେଷଜ୍ଞ ଚଳିତ ସପ୍ତାହରେ ପ୍ରାୟ ୪୦ ଡିଗ୍ରୀ ତାପମାତ୍ରା ରେଜିଷ୍ଟର କରିଥିବା କହିଛନ୍ତି । ରେଡ୍ ଆଲର୍ଟ ଘୋଷଣା କରି ଲୋକଙ୍କୁ ଗରମରେ ବାହାରିବାକୁ ବାରଣ କରାଯାଇଛି । କହିରଖୁଛୁ ଅନେକ ଆମେରିକାରେ ଭୀଷଣ ତାପମାତ୍ରା ଯୋଗୁଁ ଅନେକ ଲୋକ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
Comments are closed.