ତେଲକୋଇ -ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର ।ମୃତକ ଯୁବକ ହେଲେ ତେଲକୋଇ ଥାନା ଅନ୍ତର୍ଗତ ବଳଭଦ୍ରପୁର ପଞ୍ଚାୟତ ଅନ୍ତର୍ଗତ ପାଟଖଳି ଗ୍ରାମର ପ୍ରମୋଦ କୁମାର ନାୟକ(୩୪)। ପୁଲିସ ଗାଁ ନିକଟ ଖୋଖସହୁଳି ରୁ ଏକ କାଠ ଶିଆଳି ଗଛ ଉପରୁ ମୃତଦେହ ଉଦ୍ଧାର କରିଛି ।
ମୃତକ ପ୍ରମୋଦ ପାଟଖଳି ଗାଁ ର ଭୋଳେଶ୍ବର ଦଣ୍ଡପାଟ ଙ୍କ ସାନଝିଅ କୁ ବାହାହୋଇ ଘରଜ୍ବାଇଁ ଭାବେ ଶଶୁର ଘରେ ଦୀର୍ଘ ଦିନ ହେବ ରହିଆସୁଥିଲେ । ତେବେ ଗତ କାଲି ଦିନ ୪ଟା ବେଳୁ ସେ ନିଖୋଜ ଥିଲେ । କିଛି ଲୋକ ଓ ଶ୍ବଶୁର ଭୋଳେଶ୍ବର ଜଙ୍ଗଲ କୁ ଯାଇ ଖୋଜାଖୋଜି କରୁଥିବା ବେଳେ କାଠଶିଆଳି ଗଛ ଉପରେ ପ୍ରମୋଦ ଙ୍କ ମୃତଦେହ ଝୁଲୁଥିବା ର ଦେଖିବାକୁ ପାଇଥିଲେ । ସଙ୍ଗେ ସଙ୍ଗେ ପୁଲିସକୁ ଖବର ଦେଇଥିଲେ ।ଘଟଣା ସ୍ଥଳରେ ପୁଲିସ ପହଞ୍ଚି ଶବକୁ ଉଦ୍ଧାର କରି ବ୍ୟବଛେଦ ପାଇଁ ତେଲକୋଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ପଠାଇ ତଦନ୍ତ ଆରମ୍ଭ କରିଛି। ପ୍ରାଥମିକ ତଦନ୍ତରୁ ଘରୋଇ ଝଗଡ଼ାରୁ ଆତ୍ମହତ୍ୟା କରିଥିବା ପୋଲିସ ସନ୍ଦେହ କରୁଛି।ତେବେ ମୃତ୍ୟୁ ର କାରଣ ଅସ୍ପଟ ରହିଛି।ତଦନ୍ତ ପରେ ସତ୍ୟ ସାମ୍ନା କୁ ଆସିବ ବୋଲି ପୁଲିସ କହିଛି।
Comments are closed.