ପାତ୍ରପୁର: ପାତ୍ରପୁର ବ୍ଲକ ଆମୁଣ୍ଡି ବିଦ୍ୟାଳୟର ସହକାରୀ ଶିକ୍ଷକ ସୂର୍ୟ୍ୟନାରାୟଣ ପ୍ରଧାନ କରୋନା ପଜିଟିଭ ଚିହ୍ନଟ ହେବା ପରେ କୋଭିଡ ହସ୍ପିଟାଲ ଯାଇ ମାତ୍ର ୬ ଦିନ ରହି ସୁସ୍ଥ ହୋଇ ଘରକୁ ଫେରିଥିଲେ। ଏହା ପରେ ଜଣେ କୋଭିଡ ଯୋଦ୍ଧା ଭଳି ପୁଣି ଥରେ ନିଜ କାର୍ଯ୍ୟରେ ଯୋଗ ଦେଇ ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ପାଲଟିଥିଲେ। ତେବେ ଓଡ଼ିଶାର ମୁଖ୍ୟମନ୍ତ୍ରୀ ଓ ଗଂଜାମ ଜିଲ୍ଲାପାଳଙ୍କ ଆହ୍ୱାନ କ୍ରମେ ବୁଧବାର ସେ ପ୍ଲାଜମା ଦାନ କରିବା ଫଳରେ ପାତ୍ରପୁର ବ୍ଲକରେ ବିଭିନ୍ନ ମହଲରେ ତାଙ୍କୁ ଅଭିନନ୍ଦନ ମିଳିଛି। ଆଜି ପ୍ଲାଜମା ଦାନ କରିବା ପରେ ସେ ଅନ୍ୟ କରୋନା ସୁସ୍ଥ ରୋଗୀମାନେ ଏଥିପାଇଁ ଆଗେଇ ଆସନ୍ତୁ ବୋଲି ଆହ୍ୱାନ ଦେଇଛନ୍ତି । ଆଜି ତାଙ୍କ ସହିତ ଏହି ଅବସରରେ ଓଡିଶା ଜୀବିକା ମିଶନର ବିଏଲସି ଦୀନବନ୍ଧୁ ପ୍ରଧାନ ଉପସ୍ଥିତ ରହି ତାଙ୍କୁ ଉତ୍ସାହିତ କରିଥିଲେ । ତାଙ୍କର ଏଭଳି ମହତ କାର୍ଯ୍ୟ ପାଇଁ ତାଙ୍କୁ ସବୁ ମହଲରୁ ଶୁଭେଛାର ସୁଅ ଛୁଟିଛି ।
Popular Categories
Previous article
Next article