ନୂଆଦିଲ୍ଲୀ : ଗାଡି ନିର୍ମାତା କମ୍ପାନୀ ଟାଟା ମୋଟର୍ସ ନିଜ ଗ୍ରାହକଙ୍କୁ ଝଟକା ଦେଇଛି । କମ୍ପାନୀ ନିଜ ବାଣିଜ୍ୟିକ ଗାଡିର ଦାମ୍ ବଢାଇବା ପାଇଁ ଘୋଷଣା କରିଦେଇଛି । ଟାଟା ମୋଟର୍ସର ଗାଡି ପ୍ରାୟ ୨ ପ୍ରତିଶତ ମହଙ୍ଗା ହେବାକୁ ଯାଉଛି । ନୂଆ ଦାମ୍ ଜୁଲାଇରୁ ଲାଗୁ ହେବ । ଟାଟା ମୋଟର୍ସ ବୁଧବାର କହିଛି କି କଞ୍ଚାମାଲ ଦାମ୍ ବଢିବା ଯୋଗୁଁ ଗାଡି ଦାମ୍ ବଢାଇବାକୁ ପଡୁଛି । କମ୍ପାନୀ ସୂଚନା ଅନୁସାରେ ସମସ୍ତ ଭେରିଏଣ୍ଟରେ ଏହି ବୃଦ୍ଧି ଭିନ୍ନ ଭିନ୍ନ ରହିବ ।
ଟାଟା ମୋଟର୍ସର ଷ୍ଟକ୍ ଚଳିତ ବର୍ଷ ଉତ୍ତମ ପ୍ରଦର୍ଶନ କରୁଛି । ଏଥିରେ ପ୍ରାୟ ୨୬.୬ ପ୍ରତିଶତ ବୃଦ୍ଧି ଦେଖିବାକୁ ମିଳିଛି । ବୁଧବାର ଦ୍ବିପ୍ରହରେ କମ୍ପାନୀର ସେୟାର ଏନଏସଇରେ ପ୍ରାୟ ୨.୪୦ ଟଙ୍କା ଖସିଥିଲା । ଟାଟା ମୋଟର୍ସର ଷ୍ଟକ୍ ୯୮୩ ଟଙ୍କା ପାଖାପାଖି ଟ୍ରେଣ୍ଡିଂ କରୁଥିଲା । ଗତ କିଛି ଦିନରେ ଏଥିରେ ଲଗାତର ବୃଦ୍ଧି ପରିଲକ୍ଷିତ ହେଉଛି ।
ଅନ୍ୟପଟେ ଟାଟା ମୋଟର୍ସର ଜାଗୁଆର୍ ଏବଂ ଲ୍ୟାଣ୍ଡରୋଭର୍ ନିଜ ଲୋକପ୍ରିୟ କାର୍ ଫ୍ରିଲେଣ୍ଡରକୁ ନୂଆ କଳେବର କରିବାକୁ ନିଷ୍ପତ୍ତି ନେଇଛି । ଏଥି ପାଇଁ ଚୀନର ଚେରି ଅଟୋମୋବାଇଲ ସହିତ ହାତ ମିଶାଇଛି କମ୍ପାନୀ । କମ୍ପାନୀ ଫ୍ରିଲେଣ୍ଡରର ଇଲେକ୍ଟ୍ରିକ୍ ଅବତାର ଆଣିବ । ଏହି ମଡେଲକୁ ପ୍ରାୟ ୧୦ ବର୍ଷ ପୂର୍ବେ ବନ୍ଦ କରିଦିଆଯାଇଥିଲା ।
Comments are closed.