ଚେନ୍ନଇ : ଅନଲାଇନରେ ସମୟ ବିତାଇବା ଆଜିକାଲି ମଣିଷ ଜୀବନର ଏକ ଅଭ୍ୟାସରେ ପରିଣତ ହୋଇଗଲାଣି। ସେହିପରି ବାହାରକୁ ଖାଦ୍ୟ ଖାଇବାକୁ ଯିବା ବଦଳରେ ଘରକୁ ଖାଦ୍ୟ ମଗାଉଥିବା ଦେଖିବାକୁ ମିଳିଛି। ଅନଲାଇନ ଖାଦ୍ୟ ପ୍ରେରଣ କରୁଥିବା କମ୍ପାନୀ ସ୍ୱିଗିରେ ଚେନ୍ନଇସ୍ଥିତ ବାଲାମୁର୍ଗନ ଦିନଦୟାଲ ଚପ ଆଣ୍ଡ ଷ୍ଟିକ ନାମକ ଏକ ଦୋକାନରୁ ଚିକେନ ସ୍ୱେଜବାନ ଅଡର କରିଥିଲେ। ବାଲାମୁର୍ଗନ ଖାଦ୍ୟ ପୁଡିଆ ପାଇବା ପରେ ସେଥିରେ ଏକ ରକ୍ତ ଲାଗିଥିବା ବ୍ୟାଣ୍ଡେଜ ପଡିଥିବା ଦେଖିବାକୁ ପାଇଥିଲେ। ପରେ ବାଲାମୁର୍ଗନ ସଙ୍ଗେ ସଙ୍ଗେ ଅଡର କରିଥିବା ହୋଟେଲକୁ ଯାଇଥିଲେ। ସେଠାରେ ତାଙ୍କୁ ନିରାଶ ହୋଇ ଫେରିବାକୁ ପଡିଥିଲା। ସେହିପରି ସ୍ୱିଗି କଷ୍ଟୋମର କେୟାର ମଧ୍ୟ କୌଣସି ଉତ୍ତର ଦେଇନଥିଲେ। କିଛି ସମୟ ପରେ ବାଲାମୁର୍ଗନ ଉକ୍ତ ଖାଦ୍ୟ ପୁଡିଆକୁ ଫଟୋ ଉଠାଇ ଫେସବୁକରେ ପୋଷ୍ଟ କରିଥିଲେ। ପୋଷ୍ଟ ଭାଇରାଲ ହେବା ପରେ ସ୍ୱିଗି ଏ ଘଟଣାରେ କ୍ଷମା ପାର୍ଥନା କରିଛି। ଉକ୍ତ ହୋଟେଲ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସ୍ୱିଗି କହିବାପରେ ହୋଟେଲ ମାଲିକ ଫେସବୁକରେ କ୍ଷମା ପାର୍ଥନା କରିବା ସହ ଟଙ୍କା ଫେରସ୍ତ କରିବାକୁ କହିଛନ୍ତି।
Popular Categories
Previous article
Next article