ସକଳ ଶକ୍ତିର ଆଧାର ହେଉଛନ୍ତି ସୂର୍ଯ୍ୟ। ସୂର୍ଯ୍ୟ ଉଦୟ ହେଲେ ହିଁ ସମସ୍ତ କାର୍ଯ୍ୟର ପ୍ରାରମ୍ଭ ହୋଇଥାଏ। ସୂର୍ଯ୍ୟଙ୍କର ରବିବାରରେ ସ୍ୱତନ୍ତ୍ର ପୂଜାର୍ଚ୍ଚନା କରିବା ଦ୍ୱାରା ବିଶେଷ ସଫଳତା ପ୍ରାପ୍ତି ହୋଇଥାଏ। ସମସ୍ତ ଗ୍ରହ ମଧ୍ୟରେ ସୂର୍ଯ୍ୟ ପ୍ରଭାବ ଶାଳୀ ବୋଲି ଜ୍ୟୋତିିଷଶାସ୍ତ୍ରରେ କୁହାଯାଇଛି। ଯଦି ଜାତକରେ ସୂର୍ଯ୍ୟ ଭଲ ସ୍ଥିତିରେ ରୁହନ୍ତି ତେବେ ସମସ୍ତ ଗ୍ରହ ମଧ୍ୟ ଭଲ ସ୍ଥିତିରେ ରହିଥାନ୍ତି। ଜାତକରେ ସୂର୍ଯ୍ୟଙ୍କ ଦୋଷ ଥାଉ ବା ନଥାଉ ପ୍ରତି ରବିବାରେ ସକାଳୁ ଉଠି ନିତ୍ୟକର୍ମ ସାରି ଏକ ତମ୍ବା ପାତ୍ରରେ ଜଳ ନେଇ ଗାୟତ୍ରୀ ମନ୍ତ୍ର ପ୍ରାର୍ଥନା କରି ସୂର୍ଯ୍ୟଙ୍କୁ ଜଳ ଅର୍ପଣ କରନ୍ତୁ। ଏହି ଜଳ ଧାରା ମଧ୍ୟରେ ସୂର୍ଯ୍ୟଙ୍କୁ ଦର୍ଶନ କରନ୍ତୁ। ମାତ୍ର ଅର୍ପଣ କରୁଥିବା ଏହି ଜଳ ଯେପରି ଆପଣଙ୍କ ପାଦରେ ନ ପଡ଼େ । ଯଦି ପାରିବେ ଏକ ମାଳା ଗାୟତ୍ରୀ ମନ୍ତ୍ର ଜପ କରନ୍ତୁ ଅଥବା ୫ ଥର ଜପ କରନ୍ତୁ। ଏହା କରିବା ଦ୍ୱାରା କର୍ମ କ୍ଷେତ୍ରରେ ଉନ୍ନତି ଘଟିବା ସହ ଭାଗ୍ୟରେ ଯାହା ଦୋଷ ଥାଏ କଟିଯାଏ ଓ ସମାଜରେ ମାନସମ୍ମାନ ମଧ୍ୟ ପ୍ରାପ୍ତି ହୋଇଥାଏ। ଯଦି ଚାହିଁବେ ଜଳ ଅର୍ପଣ ସମୟରେ ଆଦିତ୍ୟ ସ୍ତୋତ୍ର ମଧ୍ୟ ପାଠ କରି ପାରିବେ। ଏପରି କରିବା ଦ୍ୱାରା ସମସ୍ତ ସମସ୍ୟା ଦୂର ହୋଇଥାଏ ଓ ସଫଳତା ମଧ୍ୟ ପ୍ରାପ୍ତି ହୋଇଥାଏ। ମାତ୍ର ଏହାକୁ ଆପଣ ପୂର୍ଣ୍ଣ ବିଶ୍ୱାସ ସହ କରିବା ଆବଶ୍ୟକ ଅଟେ
