ବୁର୍ଲା : ସମ୍ବଲପୁର ବିଶ୍ବବିଦ୍ୟାଳୟ କର୍ମଚାରୀ ସଂଘ ପକ୍ଷରୁ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ମନ୍ତ୍ରୀ ସମ୍ବଲପୁର ବିଶ୍ବବିଦ୍ୟାଳୟ ଗସ୍ତ କରିଥିବା ବେଳେ ଏହି ଦାବିପତ୍ର ପ୍ରଦାନ କରାଯାଇଥିଲା। ବିଶ୍ବବିଦ୍ୟାଳୟରେ କାର୍ଯ୍ୟରତ ୩୦ ଜଣ ତୃତୀୟ ଶ୍ରେଣୀ କର୍ମଚାରୀଙ୍କ ଚାକିରି ନିୟମିତ କରିବା ପାଇଁ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ ସତ୍ତ୍ବେ ରାଜ୍ୟ ସରକାର ନିକଟରେ ଏହା ଅଟକି ରହିଛି। ସେହିପରି ୧୮ ଜଣ ଚତୁର୍ଥ ଶ୍ରେଣୀ କର୍ମଚାରୀଙ୍କ ଭାଗ୍ୟ ସମାନ ଅବସ୍ଥାରେ ରହିଛି। ବିଶ୍ବବିଦ୍ୟାଳୟରେ ଖାଲି ପଡ଼ିଥିବା ଅଣଶୈକ୍ଷିକ ପଦବୀ ପୂରଣ କରାଯାଉନାହିଁ। ଉତ୍କଳ ଓ ବ୍ରହ୍ମପୁର ବିଶ୍ବବିଦ୍ୟାଳୟ ଭଳି ଏମଏସିପି ଓ ଆରଏସିପି କାର୍ଯ୍ୟକାରୀ କରାଯାଉନାହିଁ। ତେଣୁ ଏଗୁଡ଼ିକୁ କାର୍ଯ୍ୟକାରୀ କରାଇବା ସହ ସଚିବାଳୟ ଢାଞ୍ଚାରେ କ୍ୟାଡର ବ୍ୟବସ୍ଥା ପୁନଃ କାର୍ଯ୍ୟକ୍ଷମ କରିବାକୁ ଦାବି କରାଯାଇଛି। ଦାବିପତ୍ର ପ୍ରଦାନ ବେଳେ ସଂଘର ସାଧାରଣ ସମ୍ପାଦକ ସତ୍ୟନାରାୟଣ କର, ବ୍ରଜ ବିହାରୀ ପଣ୍ଡା, ଦିଲୀପ ବଡ଼ପଣ୍ଡା, ବାବୁଲୁ ବିଶ୍ବାଳ, ଦିଲୀପ ରଥ, ପୁରୁଷୋତ୍ତମ ରାଉତ ଓ ଏସ.ଏସ ରାଉତ ଉପସ୍ଥିତ ଥିଲେ।
