ଲକ୍ଷ୍ମୀପୁର: ରବିବାର ରାଜ୍ୟ ବରିଷ୍ଠ ବିଜେପି ନେତା ତଥା ବ୍ରଜରାଜନଗର ନବନିର୍ବାଚିତ ବିଧାୟକ ବିଧାୟକ ସୁରେଶ ପୂଜାରୀଙ୍କୁ ଦିଲ୍ଲୀରୁ ଡାକରା ଆସିଛି। ଯାହାକୁ ନେଇ ନାନା କଳ୍ପନା ଜଳ୍ପନା ପ୍ରକାଶ ପାଇଛି। କାରଣ ଆଜି ପ୍ରଧାନମନ୍ତ୍ରୀଙ୍କ ଶପଥ ଗ୍ରହଣ ସହିତ ଅନ୍ୟ ମନ୍ତ୍ରୀ ମାନେ ଶପଥ ନେବେ। ଆସନ୍ତାକାଲି ଓଡିଶାରେ ପ୍ରଥମ କରି ଭାଜପା ସରକାର ଗଠନ ସହିତ ମୁଖ୍ୟମନ୍ତ୍ରୀ ଓ ଅନ୍ୟ ମନ୍ତ୍ରୀ ମାନେ ଶପଥ ଗ୍ରହଣ କରିବେ। ତେବେ ସୁରେଶ ପୂଜାରୀ ବିଧାୟକ ଥିବା ବେଳେ ତାଙ୍କୁ କଣ ପାଇଁ ଦିଲ୍ଲୀରୁ ଡାକରା ଆସିଛି ତାହାକୁ ନେଇ ନାନା କଳ୍ପନା ଜଳ୍ପନା ପ୍ରକାଶ ପାଇଛି। ତେବେ ଧର୍ମେନ୍ଦ୍ର ପ୍ରଧାନଙ୍କ ନାଁ ସମ୍ଭାବ୍ୟ କେନ୍ଦ୍ର ମନ୍ତ୍ରୀମଣ୍ଡଳରେ ନଥିବାରୁ ଏକ ପ୍ରକାର ତାଙ୍କୁ ମୁଖ୍ୟମନ୍ତ୍ରୀ କାରାଯିବ ବୋଲି ବୋଧହୁଏ ସ୍ଥିର ହୋଇ ସାରିଛି। ସେହିପରି ଯଦି ଧର୍ମେନ୍ଦ୍ର ମୁଖ୍ୟମନ୍ତ୍ରୀ ହୁଅନ୍ତି ଧର୍ମେନ୍ଦ୍ରଙ୍କୁ ପଶ୍ଚିମ ଓଡିଶା ନେତା ଭାବେ ବିବେଚନା କରାଯାଉଥିବା କାରଣରୁ ଅନୁମାନ କରାଯାଉଛି ସୁରେଶ ପୂଜାରୀଙ୍କୁ ମୁଖ୍ୟ ମନ୍ତ୍ରୀ କରାଯିବାର ସମ୍ଭାବନା ନାହିଁ।
ସେହିପରି ପଶ୍ଚିମ ଓଡିଶାରୁ ଯଦି ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀ ହୁଅନ୍ତି ତା ହେଲେ ସୁରେ ପୂଜାରୀଙ୍କୁ ପଶ୍ଚିମ ଓଡିଶାରୁ ଉପମୁଖ୍ୟମନ୍ତ୍ରୀ କରାଯିବା ସମ୍ଭାବନା ନାହିଁ। ତେବେ କଣ ପାଇଁ ସୁରେଶଙ୍କୁ ଦିଲ୍ଲୀରୁ ଡାକରା ଆସିଲା। ଅନ୍ୟ ଏକ ଆଲୋଚନା ଅନୁଯାଯୀ ଧର୍ମେନ୍ଦ୍ର ପ୍ରଧାନ ଯଦି ମୁଖ୍ୟମନ୍ତ୍ରୀ ହୁଅନ୍ତି ତାଙ୍କୁ ଯେକୌଣସି ବିଧାନସଭା ଆସନରୁ ଉପନିର୍ବାଚନ ଜିତି ବିଧାନସଭାକୁ ଯିବାକୁ ହେବ। ତେଣୁ ସୁରେଶଙ୍କୁ କେନ୍ଦ୍ର ମନ୍ତ୍ରୀ ମଣ୍ଡଳରେ ସ୍ଥାନ ଦେଇ ଧର୍ମେନ୍ଦ୍ର ପ୍ରଧାନଙ୍କ ପାଇଁ ଶ୍ରୀ ପୂଜାରୀ ବ୍ରଜରାଜନଗର ବିଧାନସଭା ଛାଡିବା ସହିତ ସମ୍ବଲପୁର ଲୋକସଭା ଆସନରେ ପ୍ରାର୍ଥୀ ହୋଇ ସୁରେଶ ଲୋକସଭାକୁ ଯିବାର ସମ୍ଭାବନା ଥିବାରୁ ତାଙ୍କୁ ଦିଲ୍ଲୀରୁ ଡାକରା ଆସିଥାଇ ପାରେ ବୋଲି ଚର୍ଚ୍ଚା ହେଉଛି।
ନିମନ୍ତ୍ରଣ ନାହିଁ, ମୋଦୀଙ୍କ ଶପଥ ଗ୍ରହଣ ସମାରୋହରେ ଯୋଗ ଦେବନି ଇଣ୍ଡିଆ ମେଣ୍ଟ
