ନୂଆଦିଲ୍ଲୀ : ଉତ୍ତରପୂର୍ବ ଦିଲ୍ଲୀର ଗୋକୁଳପୁରଠାରେ ପୂର୍ବ ଦିଲ୍ଲୀ ପୌରନିଗମ ଦ୍ୱାରା ଏକ ଗୃହରେ ପକାଯାଇଥିବା ତାଲା ଭାଙ୍ଗିବା ନେଇ ଦିଲ୍ଲୀ ବିଜେପି ମୁଖ୍ୟ ମନୋଜ ତିୱାରୀଙ୍କୁ ସୁପ୍ରିମକୋର୍ଟ ଗୁରୁବାର ଭର୍ତ୍ସନା କରିଛନ୍ତି। ଏହା ସମ୍ପୂର୍ଣ୍ଣ ତ୍ରୁଟିପୂର୍ଣ୍ଣ ତଥା ଭୁଲ ରାଜନୈତିକ କାର୍ଯ୍ୟ ବୋଲି ପ୍ରଧାନ ବିଚାରପତି ରଞ୍ଜନ ଗୋଗଇ କହିଛନ୍ତି। ତିୱାରୀ ଯେଭଳି ଭାବେ ଆଇନ ନିଜ ହାତକୁ ନେଲେ ତାହା ଅତ୍ୟନ୍ତ ଦୁଃଖଦ। ଏଭଳି କାର୍ଯ୍ୟ ପାଇଁ ତିୱାରୀଙ୍କ ବିରୋଧରେ କି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ବିଷୟରେ ବିଜେପି ନିଷ୍ପତ୍ତି ଗ୍ରହଣ କରୁ ବୋଲି ପୀଠ କହିଛନ୍ତି। ଏ ସଂକ୍ରାନ୍ତ ମାମଲାକୁ ଗୋଗଇଙ୍କ ପୀଠ ରଦ୍ଦ କରିଛନ୍ତି। ଗୋକୁଳପୁରର ଏକ ଘରେ ବେଆଇନ ଦୁଗ୍ଧ କାରବାର ଚାଲିଥିବାରୁ ପୌରନିଗମ ପକ୍ଷରୁ ତାହାକୁ ତାଲା ପକାଯାଇଥିଲା; ମାତ୍ର ସେଠାରେ ଥିବା ୧୦୦୦ରୁ ଊର୍ଦ୍ଧ୍ବ ଗୃହରେ ସମାନ କାର୍ଯ୍ୟ ଚାଲିଥିବାବେଳେ କେବଳ ଗୋଟିଏ ଘରେ କାହିଁକି ତାଲା ପକାଯିବ ବୋଲି କହି ତିୱାରୀ ତାଲା ଭାଙ୍ଗି ଦେଇଥିଲେ।
Popular Categories
Previous article
Next article