BSKY banner  750×100

ଛେଳି ବ୍ୟବସାୟୀଙ୍କୁ ଗୁଳି କରି ଲୁଟି ନେଲେ ୯ ଲକ୍ଷ

nua o banner

ସୁନ୍ଦରଗଡ : ସୁନ୍ଦରଗଡରେ ଦେଖାଦେଇଛି ଲୁଟେରାଙ୍କ ଉତ୍ପାତ। ଛେଳି ବ୍ୟବସାୟୀଙ୍କୁ ଗୁଳି କରି ହତ୍ୟା କରିବା ସହ ଦୁର୍ବୃତ୍ତ ଲୁଟି ନେଇଛନ୍ତି ଲକ୍ଷ ଲକ୍ଷ ଟଙ୍କା। ଏଭଳି ଘଟଣା ଘଟିଛି ସୁନ୍ଦରଗଡ ଜିଲା ଲେଫ୍ରିପଡା ଥାନା ଛଟେନପାଲି ସୁରୁଗୁଡା ତାରିଣୀ ମନ୍ଦିର ନିକଟରେ। ଟଙ୍କା ବ୍ୟାଗ ନେଇ ଛେଳି କିଣିବାକୁ ୩ ଜଣ ଛେଳି ବ୍ୟବସାୟୀ ଘରୁ ବାହାରିଥିଲେ। ରାସ୍ତାରେ ଯିବା ସମୟରେ କିଛି ଦୁର୍ବୃତ୍ତ ସେମାନଙ୍କୁ ପିଛା କରିବା ସହ ଟଙ୍କା ବ୍ୟାଗ ନେବାକୁ ଚେଷ୍ଟା କରିଥିଲେ। ସେହି ସମୟରେ ଜଣେ ବ୍ୟବସାୟୀ ଖସି କରି ଟଙ୍କା ବ୍ୟାଗକୁ ନେଇ ଯିବା ସମୟରେ ଦୁର୍ବୃତ୍ତମାନେ ତାଙ୍କ ଉପରକୁ ଗୁଳି ଚାଳନା କରି ଟଙ୍କା ବ୍ୟାଗ ନେଇ ଫେରାର ହୋଇ ଯାଇଥିଲେ। ବ୍ୟାଗରେ ପ୍ରାୟ ୯ଲକ୍ଷ ଟଙ୍କା ଥିଲା। ଏହାପରେ ଉକ୍ତ ବ୍ୟବସାୟୀଙ୍କୁ ଉଦ୍ଧାର କରି ମେଡିକାଲ ନିଆଯାଇଥିଲା। ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

Comments are closed.