ଉତ୍କଳମଣି ଗୋପବନ୍ଧୁଙ୍କ ଜନ୍ମମାଟିରେ ୭୫ ତମ ଆଜାଦି କା ଅମୃତ ମହୋତ୍ସବ ପାଳନ

ସୁଆଣ୍ଡୋ :  ସାରା ଦେଶରେ ଆଜାଦି କା ଅମୃତ ମହୋତ୍ସବ ପାଳନ କରାଯାଉଛି। ଏହି ପରିପ୍ରେକ୍ଷୀରେ ଉତ୍କଳମଣି ଗୋପବନ୍ଧୁଙ୍କ ଜନ୍ମମାଟି ସୁଆଣ୍ଡୋ ରେ ୭୫ ତମ ଆଜାଦି କା ଅମୃତ ମହୋତ୍ସବ ଶନିବାର ଭୁବନେଶ୍ୱର ସ୍ଥିତ ଭାରତୀୟ ଖାଦ୍ୟ ନିଗମ ମଣ୍ଡଳ ପକ୍ଷରୁ ପାଳନ ହୋଇଯାଇଛି । ଏଥିରେ ମଣ୍ଡଳ ପ୍ରବନ୍ଧକ ରାମ ଫୁଲ ମିନା ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ । ଉତ୍କଳମଣି କ୍ୟାମ୍ପସ ପରିସରରେ ଥିବା ପୁଣ୍ୟାତ୍ମା ଗୋପବନ୍ଧୁଙ୍କ ପ୍ରତିମୂର୍ତ୍ତି ରେ ମଣ୍ଡଳ ପ୍ରବନ୍ଧକ ଶ୍ରୀ ମିନା ପୁଷ୍ପମାଲ୍ୟ ଅର୍ପଣ କରିଥିଲେ ।
ପଣ୍ଡିତ ଗୋପବନ୍ଧୁ ଏକାଧାରରେ ସ୍ୱାଧୀନତା ସଂଗ୍ରାମୀ, ଗରିବ ର ବନ୍ଧୁ, ତ୍ୟାଗୀ, ଜନସେବକ, ଶିକ୍ଷକ, ସାମ୍ବାଦିକ, ବିହାର ଓଡ଼ିଶା ଲାଟ ସଭାର ସଭ୍ୟ, ଭାରତୀୟ ଜାତୀୟ କଂଗ୍ରେସ ର ପ୍ରଥମ ଓଡିଶା ସଭାପତି, ସତ୍ୟବାଦୀ ବନବିଦ୍ୟାଳୟର ପ୍ରତିଷ୍ଠାତା, ଜଣେ ପ୍ରଜ୍ଞା ପୁରୁଷ , ଦୈନିକ  ଖବରକାଗଜ ‘ସମାଜ’ର ପ୍ରାଣପ୍ରତିଷ୍ଠାତା ଭାବେ ଧରାପୃଷ୍ଠରେ  ଅକ୍ଷୟ କିର୍ତ୍ତୀ ସବୁଦିନ ପାଇଁ ରଖି  ଯାଇଛନ୍ତି ବୋଲି ଶ୍ରୀ ମିନା କହିଥିଲେ । ଆୟୋଜିତ କାର୍ୟ୍ୟକ୍ରମରେ ସରୋଜ କୁମାର ସ୍ଵାଇଁ, ଅମିତ କୁମାର ବିଭାଗୀୟ କର୍ମଚାରୀ ଓ କେଦାରନାଥ ଦଳେଇ ଉପସ୍ଥିତ ରହିଥିଲେ । ଶ୍ରୀ ମିନା ଗୋପବନ୍ଧୁଙ୍କ କୂଳ ଦେବତା ରାଧାବିନୋଦ ବିହାରୀ ଦେବ ଠାକୁରଙ୍କୁ ଦର୍ଶନ କରିବା ସହ ପୂଜାଅର୍ଚ୍ଚନା କରିଥିଲେ । କାର୍ୟ୍ୟକ୍ରମ ରେ ସମାଜ ର ସାମ୍ବାଦିକ ଧୀରେନ୍ଦ୍ର ନାଥ ଦାସ ଗୋପବନ୍ଧୁଙ୍କ ଜୀନାଦର୍ଶ ସମ୍ପର୍କରେ ଆଲୋକପାତ କରିଥିଲେ ।

Comments are closed.