ରେଙ୍ଗାଲିକ୍ୟାମ୍ପ: ଅତାବିରା ଗ୍ରାମ ପଞ୍ଚାୟତସ୍ତରୀୟ ଫେଡେରେଶନ ମିଶନ ଶକ୍ତି ସଂଘ ପକ୍ଷରୁ ବୁଧବାର ଆନ୍ଦୋଳନ କରାଯାଇଛି । ଏ ନେଇ ଲିଖିତ ଭାବରେ ଅତାବିରା ବିଡିଓଙ୍କୁ ଦାବିପତ୍ର ଦିଆଯାଇଛି। ସୂଚନା ଅନୁସାରେ, ଦୀର୍ଘ ବାର ବର୍ଷ ଧରି ଅତାବିରା ବ୍ଲକ ସ୍ତରୀୟ ଗ୍ରାମ ପଞ୍ଚାୟତ କର୍ମଚାରୀମାନେ ସରକାରଙ୍କ ପ୍ରତ୍ୟେକ ଯୋଜନାରେ କାର୍ଯ୍ୟ କରି ଆସୁଛନ୍ତି। କିନ୍ତୁ ଗତ ୬ ମାସ ହେଲା ତିନି ଜଣ କର୍ମଚାରୀଙ୍କ ଦରମା ମିଳିନାହିଁ । ଏ ଦିଗରେ ପଦକ୍ଷେପ ନେବା ପାଇଁ ସେମାନେ ଉପଭୋକ୍ତା ଅଧିକାରୀଙ୍କୁ ବାରମ୍ବାର ଜଣାଇବା ସହ ବିଭାଗୀୟ ମନ୍ତ୍ରୀ ତଥା ଉପ ମୁଖ୍ୟମନ୍ତ୍ରୀଙ୍କୁ ଲିଖିତ ଭାବରେ ଦୃଷ୍ଟି ଆକର୍ଷଣ କରିଥିଲେ । ତେଣୁ ସଂଘ ପକ୍ଷରୁ ଦାବି ପୂରଣ ନ ହେବା ଯାଏ କାର୍ଯ୍ୟବନ୍ଦ ଆନ୍ଦୋଳନ କରାଯିବ ବୋଲି ସଂଘ ସମ୍ପାଦିକା ରୀନା ପଣ୍ଡା ଓ ସଭାନେତ୍ରୀ ଶାନ୍ତି ବେସନଙ୍କ ସମେତ ସମସ୍ତ କର୍ମୀ ଚେତାବନୀ ଦେଇଛନ୍ତି। ଦାବିପତ୍ର ନକଲ ଓଏଲଏମ୍, ମିଶନ ଶକ୍ତି, ବିପିସି, ସିଡିପିଓ, ଜିଲ୍ଲାପାଳ, ଡିପିସି, ଓଏଲଏମ୍ ସିଇଓ, ମିଶନ ଶକ୍ତି ଆୟୁକ୍ତ, ମିଶନ ଶକ୍ତି ବିଭାଗୀୟ ମନ୍ତ୍ରୀ ଓ ମୁଖ୍ୟମନ୍ତ୍ରୀ ଙ୍କ ନିକଟକୁ ପଠାଯାଇଛି।
Comments are closed.