ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଏକ ଭିଡିଓ ଏବେ ଭାଇରାଲ ହେଉଛି ଯେଉଁଥିରେ ଏକ ଭାଲୁ ହାବୁଡରେ ଜଣେ ବ୍ୟକ୍ତି ପଡିଯାଇଥିବା ନଜର ଆସୁଛି । ଭିଡିଓଟି ଏକ ଗ୍ୟାରେଜରେ ଲାଗିଥିବା ସିସିଟିଭିର । ଏକ ଗ୍ୟାରେଜକୁ ଜଣେ ବ୍ୟକ୍ତି ଗାଡି ନେବାକୁ ଆସିବା ସମୟରେ ଏକ ଭାଲୁଟି ଗ୍ୟାରେଜରୁ ବାହାରୁଛି । ଜଙ୍ଗଲୀ ଭାଲୁଟି ପୂର୍ବରୁ ଗ୍ୟାରେଜରେ ପଶିଥିବା ଜଣାପଡୁଛି । ଅଚାନକ ଭାଲୁକୁ ସାମ୍ନାରେ ଦେଖି ବ୍ୟକ୍ତିଜଣକ ଚକିତ ହୋଇଯାଉଛନ୍ତି । ଭିଡିଓଟି ଏବେ ଭାଇରାଲ ହେବାରେ ଲାଗିଛି ।
— Wild 𝕏 World (@Wild_XW) September 22, 2024
ଏହି ଘଟଣାଟି ଆମେରିକାର ଏକ ଛୋଟ ସହରରେ ଘଟିଛି । ଗ୍ୟାରେଜ ନିକଟରେ ବଡ ଜଙ୍ଗଲ ରହିଛି । ଜଙ୍ଗଲରୁ ଭାଲୁଟି ବୁଲାବୁଲି କରି ଗ୍ୟାରେଜକୁ ପଶିଆସିଥିବା ଜଣାପଡିଛି । ତେବେ ଭାଲୁଟି ବ୍ୟକ୍ତିଙ୍କର କୌଣସି କ୍ଷତି ନକରି ସେଠାରେ ବୁଲାବୁଲି କରୁଛି । ଶେଷରେ ସେ ଜଙ୍ଗଲକୁ ଚାଲିଯାଉଛି । ଭିଡିଓଟି ସାମାଜିକ ଗଣମାଧ୍ୟମରେ ସମସ୍ତଙ୍କ ଧ୍ୟାନ ଆକର୍ଷଣ କରୁଛି । ଏହାକୁ ଏ ପର୍ଯ୍ୟନ୍ତ ୩ ଲକ୍ଷରୁ ଅଧିକ ଲୋକ ଦେଖିସାରିଲେଣି । ଦେଢ ଲକ୍ଷରୁ ଅଧିକ ଲୋକ ଭିଡିଓକୁ ପସନ୍ଦ କରିଛନ୍ତି ।
