ବେଙ୍ଗାଲୁରୁ : ବେଙ୍ଗାଲୁରୁ ସହରର ପ୍ରତିଷ୍ଠାତା ଭାବେ ପରିଚିତ ନନ୍ଦପ୍ରଭୁ କେମ୍ପେଗୌଡାଙ୍କର ୧୦୮ ଫୁଟ ଉଚ୍ଚ ବ୍ରୋଞ୍ଜ ମୂର୍ତ୍ତିକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଉନ୍ମୋଚନ କରିଛନ୍ତି। ଗିନିଜ୍ ୱାର୍ଲ୍ଡ ବୁକ୍ସ ଅଫ ରେକର୍ଡ ଅନୁଯାୟୀ ଏହା ନନ୍ଦପ୍ରଭୁଙ୍କର ସବୁଠାରୁ ଉଚ୍ଚ ପ୍ରତିମୂର୍ତ୍ତି। ଏହାକୁ ଷ୍ଟାଚ୍ୟୁ ଅଫ ପ୍ରସପରିଟି ବୋଲି ନାମିତ କରାଯାଇଛି। ବେଙ୍ଗାଲୁରୁର ବିକାଶ କ୍ଷେତ୍ରରେ କେମ୍ପେଗୌଡାଙ୍କର ଅବଦାନକୁ ସ୍ମରଣୀୟ ରଖିବା ନିମନ୍ତେ ତାଙ୍କର ଏହି ମୂର୍ତ୍ତି ନିର୍ମାଣ କରାଯାଇଛି। ଏହି ମୂର୍ତ୍ତିର ଓଜନ ୨୧୮ ଟନ ହୋଇଥିବାବେଳେ ଏଥିରେ ୯୮ ଟନ୍ ବ୍ରୋଞ୍ଜ ଓ ୧୨୦ ଟନ ଇସ୍ପାତ ବ୍ୟବହାର କରାଯାଇଛି। ଏହାକୁ କେମ୍ପେଗୌଡା ଆନ୍ତର୍ଜାତିକ ବିମାନବନ୍ଦର ପରିସରରେ ସ୍ଥାପନ କରାଯାଇଛି। ମୂର୍ତ୍ତି ନିକଟରେ ୨୩ ଏକର ପରିସୀମାର ଏକ ପାର୍କ ତିଆରି କରାଯାଇଛି। ଏଥିରେ ୮୪ କୋଟି ଟଙ୍କା ଖର୍ଚ୍ଚ ହୋଇଛି। ଆଜିର ଉନ୍ମୋଚନ ଉତ୍ସବରେ କର୍ଣ୍ଣାଟକ ରାଜ୍ୟପାଳ ଥୱରଚାନ୍ଦ ଗେହଲଟ, ମୁଖ୍ୟମନ୍ତ୍ରୀ ବସଭରାଜ ବୋମାଇ ଓ ଅନ୍ୟ ପ୍ରମୁଖ ବ୍ୟକ୍ତି ବିଶେଷ ଉପସ୍ଥିତ ଥିଲେ।
Popular Categories
Previous article
Next article