ବଣାଇ: ଜୀବନ ବଞ୍ଚାଇବାକୁ ମହିଳା ଜଣଙ୍କ ବିକଳରେ ଦୌଡି ପଳାଇବାକୁ ଚେଷ୍ଟା କରୁଥିବା ବେଳେ ଦନ୍ତା ହାତୀ କଚଡି ମାରିଛି । ଏଭଳି ଅଭାବନୀୟ ଘଟଣା ଘଟିଛି ସୁନ୍ଦରଗଡ ଜିଲା କୋଇଡା ରେଞ୍ଜ କୁଷୁମୁଣ୍ଡି ଗାଁ ପୁଣ୍ଡୁପୋଖରୀ ସାହିରେ । ଶୁକ୍ରବାର ରାତିରେ ଖାଦ୍ୟ ଅନ୍ୱେଷଣରେ ଗାଁକୁ ପଶିଆସିଥିଲା ହାତୀପଲ । ଗ୍ରାମବାସୀ ହାତୀକୁ ଘଉଡାଇବା ବେଳେ ଭୟରେ ଜୀବନ ବଂଚାଇବାକୁ ମହିଳା ଜଣଙ୍କ ଘର ଭିତରୁ ବାହାରି ଦୌଡିଥିଲେ । ଏହି ସମୟରେ ହାତୀ ସାମ୍ନାରେ ପଡିଯିବାରୁ ଶୁଣ୍ଢରେ କଚାଡି ମାରିଥିଲା ହାତୀ । ମୃତ ମହିଳା ଜଣକ ହେଲେ ଗାଁର ଇତ ୱାରୀ ବଦ୍ରା । ବନ ବିଭାଗ ଟିମ ଘଟଣାସ୍ଥଳରେ ପହଂଚି ମହିଳାଙ୍କ ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି ।
Comments are closed.