ଶ୍ରୀନଗର: ରବିବାର ଶ୍ରୀନଗରରେ ଚଳିତ ବର୍ଷର ସବୁଠୁ ଥଣ୍ଡା ରାତି ଭାବେ ଗଣା ଯାଇଛି । ରବିବାର ରାତିରେ ପାରଦ ବିଯୁକ୍ତ ୩ ଡ଼ିଗ୍ରୀରେ ପହଞ୍ଚିଛି ।
ଜମ୍ମୁ-କଶ୍ମୀର ଏବଂ ଲଦାଖ ୟୁନିୟନ ଅଞ୍ଚଳ ପାଇଁ ନିଯୁକ୍ତ ପାଣିପାଗ ନିର୍ଦ୍ଦେଶକ ସୋନମ ଲୋଟସ୍ କହିଛନ୍ତି ଯେ ଶ୍ରୀନଗରର ସର୍ବନିମ୍ନ ତାପମାତ୍ରା ଆଜି – ୩.୦ (ମାଇନସ ୩) ଡିଗ୍ରୀ ସେଲସିୟସ୍ ଥିଲା, ଯାହା ଚଳିତ ସିଜନରେ ଏପର୍ଯ୍ୟନ୍ତ ସର୍ବନିମ୍ନ ତାପମାତ୍ରା । ରବିବାର ସକାଳେ ଶୀତଳ ପବନ ପ୍ରବାହିତ ହେଉଥିଲା, ତେଣୁ ପ୍ରବଳ ଥଣ୍ଡାକୁ ଏଡାଇବା ପାଇଁ ଅଧିକାଂଶ ସ୍ଥାନୀୟ ଲୋକ ଘର ଭିତରେ ରହିବାକୁ ପସନ୍ଦ କରିଥିଲେ।
- Advertisement -
ସୋମବା ଠାରୁ ଜାମ୍ମୁ କାଶ୍ମୀର ଏବଂ ଲଦାଖରେ ବର୍ଷା ତୁଷାରପାତ ହେବାର ପୂର୍ବାନୁମାନ କରିଛି ପାଣିପାଗ ବିଭାଗ। ଗୁଲମାର୍ଗରେ ରବିବାର ତାପମାତ୍ରା ବିଯୁକ୍ତ (-) ୭.୪ ଓ ପହଲଗାଓ ପାହାଡ଼ ଷ୍ଟେସନରେ (-) ୨.୬ ଡ଼ିଗ୍ରୀ ରେକର୍ଡ଼ କରାଯାଇଛି। ସେହପରି ଲେହରେ ତାପମାତ୍ରା (-)୧୨.୩ ଓ କାରଗିଲରେ (-) ୮.୫ ଡ଼ିଗ୍ରୀ ରହିଛି ।
