ଶ୍ରୀନଗର : ଜାମ୍ମୁ ଓ ଶ୍ରୀନଗର ନଗରନିଗମର ମେୟରଙ୍କୁ ଏଣିକି ରାଷ୍ଟ୍ରମନ୍ତ୍ରୀ ପାହ୍ୟା ମିଳିବ। ଏ ସମ୍ପର୍କରେ ଜାମ୍ମୁ-କାଶ୍ମୀରର ଅତିରିକ୍ତ ମୁଖ୍ୟ ଶାସନ ସଚିବ ସୁବାସ ଚ୍ଛିବରଙ୍କ ଦସ୍ତଖତରେ ବୁଧବାର ବିଜ୍ଞପ୍ତି ଜାରି କରାଯାଇଛି।
ଉଭୟ ମହାନଗର ନିଗମର ମେୟରଙ୍କୁ ରାଷ୍ଟ୍ରମନ୍ତ୍ରୀ ପାହ୍ୟାର ସମସ୍ତ ସୁବିଧା ସୁଯୋଗ ଯୋଗାଇ ଦେବାକୁ ଏଥିରେ ପ୍ରୋଟୋକଲ ବିଭାଗକୁ ନିର୍ଦେଶ ଦିଆଯାଇଛି। ଉକ୍ତ ଘୋଷଣା ପରେ ସମ୍ପ୍ରତି ଶ୍ରୀନଗରର ମେୟର ଥିବା ଜୁନେଦ ମାଟୁ ଓ ଜାମ୍ମୁର ମେୟର ଥିବା ଚନ୍ଦ୍ରମୋହନ ଗୁପ୍ତା ପ୍ରଥମ କରି ଏହି ପାହ୍ୟା ପାଇବେ। ଦୀର୍ଘ ୧୩ ବର୍ଷ ବ୍ୟବଧାନରେ ଗତ ବର୍ଷ ଅକ୍ଟୋବରରେ ପୌରାଞ୍ଚଳ ନିର୍ବାଚନ ହୋଇଥିଲା। ଏଥିରେ ଜାମ୍ମୁ ମେୟର ଭାବେ ବିଜେପିର ଚନ୍ଦ୍ରମୋହନ ଓ ଶ୍ରୀନଗରରେ ପିପୁଲ୍ସ କନ୍ଫରେନ୍ସ ନେତା ଜୁନେଦ ମାଟୁ ନିର୍ବାଚିତ ହୋଇଥିଲେ।
Comments are closed.