ଭୁବନେଶ୍ୱର: କୋଭିଡ-୧୯ ମହାମାରୀ ବିରୁଦ୍ଧରେ ସଂଗ୍ରାମ କରୁଥିବା ସ୍ୱାସ୍ଥ୍ୟଯତ୍ନ ପ୍ରଦାନକାରୀମାନଙ୍କ ପ୍ରତି ସ୍ନେହ ଓ ପ୍ରଶଂସାର ସଙ୍କେତ ସ୍ୱରୂପ ଏସଓଏସ ଚିଲଡ୍ରେନ୍ସ ଭିଲେଜ, ଭୁବନେଶ୍ୱରର ପିଲାମାନେ ଏମ୍ସ ଭୁବନେଶ୍ୱରର ଡାକ୍ତରମାନଙ୍କୁ ରକ୍ଷା ବନ୍ଧନର ଅବ୍ୟବହିତ ପୂର୍ବରୁ ରାକ୍ଷୀ ବାନ୍ଧିବା ସହିତ ସେମାନଙ୍କ ଦ୍ୱାରା କାର୍ଡ଼ ପ୍ରଦାନ କରିଥିଲେ। ଏଥିସହିତ ସେମାନେ ଏମ୍ସର ନର୍ସ ଓ କର୍ମଚାରୀଙ୍କ ହାତରେ ମଧ୍ୟ ରାକ୍ଷୀ ବାନ୍ଧିଥିଲେ। ଏହି ଅବସରରେ ଏମ୍ସ ଭୁବନେଶ୍ୱରର ମେଡିକାଲ ସୁପରିଣ୍ଟେଣ୍ଡେଣ୍ଟ ସଚ୍ଚିଦାନନ୍ଦ ମହାନ୍ତି ପିଲାମାନଙ୍କୁ ହୃଦୟରୁ କୃତଜ୍ଞତା ଜ୍ଞାପନ କରିଥିଲେ। ଏସଓଏସ ଚିଲଡ୍ରେନ୍ସ ଭିଲେଜ ଅଫ ଇଣ୍ଡିଆର ସେକ୍ରେଟାରୀ ଜେନେରାଲ ସୁମନ୍ତ କର କହିଥିଲେ, ରାକ୍ଷୀ ଓ କାର୍ଡ଼ ତିଆରି କରିବା ଏକ କଳା। ଏହା ପିଲାମାନଙ୍କ ମଧ୍ୟରେ ସୃଜନଶୀଳତାର ବିକାଶ କରିଥାଏ। ପିଲାମାନେ ଏହି ଅବସରରେ ଭାରତୀୟ ସଂସ୍କୃତିର ମହାନ ପରମ୍ପରାକୁ ମଧ୍ୟ ବୁଝିପାରିଥିଲେ।
Popular Categories
Previous article
Next article