ମୁମ୍ବଇ: ଅଜୟ ଦେବଗନଙ୍କ ବହୁପ୍ରତୀକ୍ଷିତ ଚଳଚ୍ଚିତ୍ର ‘ସନ୍ ଅଫ୍ ସର୍ଦ୍ଦାର ୨’ର ପୋଷ୍ଟର ଗୁରୁବାର ରିଲିଜ୍ ହୋଇଛି। ପୋଷ୍ଟରରେ ଅଜୟ ଦେବଗନ ପଗଡ଼ି ବାନ୍ଧି ସର୍ଦ୍ଦାର ଅବତାରରେ ନଜର ଆସିଛନ୍ତି। ସେ ଦୁଇଟି ତୋପ ଉପରେ ଠିଆ ହୋଇଛନ୍ତି। ପୋଷ୍ଟର ସହ ଫିଲ୍ମର ମୁକ୍ତିଲାଭ ତାରିଖ ମଧ୍ୟ ସାମ୍ନାକୁ ଆସିଛି।
ଜୁଲାଇ ୨୫ରେ ପରଦାକୁ ଆସିବ ‘ସନ୍ ଅଫ୍ ସର୍ଦ୍ଦାର ୨’। ଏହା ୨୦୧୨ରେ ମୁକ୍ତିଲାଭ କରିଥିବା ଫିଲ୍ମ ‘ସନ୍ ଅଫ୍ ସର୍ଦ୍ଦାର’ର ସିକ୍ୱେଲ୍। ଫିଲ୍ମରେ ଅଜୟ ଦେବଗନ, ମୃଣାଳ ଠାକୁର ଓ ସଞ୍ଜୟ ଦତ୍ତ ଗୁରୁତ୍ଵପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଅଜୟ ଦେବଗନଙ୍କ ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରର ନିର୍ଦେଶନା ଭାର ବହନ କରିଛନ୍ତି ବିଜୟ କୁମାର ଅରୋରା।
