ଭୁବନେଶ୍ବର : କରୋନା ସଂକ୍ରମଣରୁ ବର୍ତିବା ପାଇଁ ସରକାର ଲକ ଡାଉନ କରିଛନ୍ତି। ଘରେ ରହିବା ସହ ସତର୍କ ରଖିବାକୁ କୁହାଯାଇଛି। ବାହାରକୁ ବାହାରିଲେ ସାମାଜିକ ଦୁରତ୍ବ ରକ୍ଷା କରିବାକୁ ଲୋକଙ୍କୁ ସରକାର ପରାମର୍ଶ ଦେଉଥିଲେ ମଧ୍ୟ ଅନେକ ସ୍ଥାନରେ ଏହାକୁ ବେଖାତିର କରାଯାଉଥିବା ଦେଖଯାଇଛି। ବିଶେଷ କରି ହାଟ ତଥା ବ୍ୟବସାୟ ପ୍ରତିଷ୍ଠାନ ବ୍ୟବସାୟୀ ଓ କ୍ରେତା ସାମାଜିକ ଦୁରତ୍ବକୁ ମାନୁ ନଥିବା ଦେଖାଯାଇଛି । ଭୁବନେଶ୍ବରରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଏଠାରେ ମଧ୍ୟ କିଛି ସାମାଜିକ ଦୁରତ୍ବକୁ ମାନୁ ନଥିବା ଜଣାପଡିଛି। ଏକ ନମ୍ବର ହାଟ ସମେତ ବିଭିନ୍ନ ହାଟରେ ଭିଡ ଯୋଗୁ ଉପୁଜୁଥିବା ବେପାରୀଙ୍କୁ ଅଲଗା ଅଲଗା ସ୍ଥାନରେ ବସା ଯାଇଥିଲେ ମଧ୍ୟ କ୍ରେତାଙ୍କ ମଧ୍ୟ ସାମାଜିକ ଦୁରତ୍ବ ଏବେ ବି ରହୁନାହିଁ।
ମଙ୍ଗଳବାର ସକାଳେ ଏଭଳି ଦୃଶ୍ୟ ଦେଖିବାକୁ ମିଳିଥିଲା ଏକ ନମ୍ବର ହାଟରେ। ଏକ ନମ୍ବର ହାଟ ଓ କଳିଙ୍ଗ ମାର୍କେଟ ମଧ୍ୟରେ ଥିବା ରାସ୍ତା ଲୋକାରଣ୍ୟ ହୋଇଥିଲା। ପାନ ବ୍ୟବସାୟୀଠୁ ଆରମ୍ଭ କରି ଅନ୍ୟ ବ୍ୟବାସାୟୀମାନେ ଭିଡ ଜମାଇଥିବା ବେଳେ ସେମାନଙ୍କ ମଧ୍ୟରେ ସାମାଜିକ ଦୁରତ୍ବ ନଥିଲା। କିଛି ଲୋକ ମାସ୍କ ମଧ୍ୟ ପିନ୍ଧି ନଥିଲେ। ପ୍ରତ୍ୟେକ୍ଷ ଦର୍ଶୀଙ୍କ କହିବା ଅନୁଯାୟୀ ଗୋଟିଏ ଦୋକାନ ପାଖରେ ବହୁ ସଂଖ୍ୟାରେ ଲୋକ ଜମା ହୋଇଥିଲେ। ଅତି ନିକଟରେ ରହି ଲୋକେ ବାର୍ତ୍ତାଳାପ କରୁଥିବା ବେଳେ ଯାଆ ଆସ କରୁଥିବା ଲୋକଙ୍କ ମଧ୍ୟରେ ସତର୍କତା ମଧ୍ୟ ନଥିଲା। ଏଭଳି ଭାବେ ସାମାଜିକ ଦୁରତ୍ବକୁ ବେଖାତିର କରାଗଲେ କରୋନା ସଂକ୍ରମଣ ବୃଦ୍ଧି ପାଇବା ଆଶଙ୍କା ଏଡାଇ ଦିଆଯାଇ ନପାରେ ବୋଲି ବୁଦ୍ଧିଜୀବୀମାନେ ଆଶଙ୍କା ବ୍ୟକ୍ତ କରିଛନ୍ତି।
Comments are closed.