କଲମପୁର: କଲମପୁର ଅଞ୍ଚଳରେ ରବିବାର ସାପ କାମୁଡ଼ାରେ ଜଣେ ବ୍ୟକ୍ତି ଗୁରୁତର ହୋଇଛନ୍ତି। ସାପ କାମୁଡାରେ ଗୁରୁତର ବ୍ୟକ୍ତିଙ୍କୁ ଚିକିତ୍ସା ପାଇଁ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା, କିନ୍ତୁ ଅଧିକ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।
ସୂଚନା ଅନୁସାରେ, ପଣ୍ଡିଗାଁ ମହାରଣାପଡ଼ାର ଜଳଧର ବାଗ ନାମକ ଜନୈକ ବ୍ୟକ୍ତି ଏକ ଡ୍ରେନ ନିକଟରେ କିଛି କାମ କରୁଥିଲେ। ଏହି ସମୟରେ ତାଙ୍କ ଗୋଡରେ କିଛି ଗୋଟେ କାମୁଡି ଦେଇଥିବାର ସେ ଅନୁଭବ କରିଥିଲେ। କିନ୍ତୁ ସେ କୌଣସି କୀଟ ଅଥବା ସାପଟିକୁ ଦେଖିନଥିଲେ। ପରବର୍ତ୍ତୀ ସମୟରେ ଜଳଧର ତାଙ୍କ ଘରକୁ ଫେରି ଆସିଥିଲେ। ଏହାର କିଛି ସମୟ ପରେ ସେ ଅସୁସ୍ଥ ଅନୁଭବ କରିଥିଲେ। ତେଣୁ ତୁରନ୍ତ ତାଙ୍କୁ ଚିକିତ୍ସା ପାଇଁ ପ୍ରଥମେ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। କିନ୍ତୁ ଅବସ୍ଥା ଗୁରୁତର ଏବଂ ଅଧିକ ଚିକିତ୍ସା ଆବଶ୍ୟକ ହେତୁ ପରବର୍ତ୍ତୀ ସମୟରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
Comments are closed.