ସମ୍ବଲପୁର – ସମ୍ବଲପୁରର ଫାଟକ ରେଳ ଷ୍ଟେସନ ଠାରେ ଯାତ୍ରୀବାହୀ ରେଳଗାଡିର ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଯାଇଛି । ଜିଆରପି ପୁଲିସର ସୂଚନାନୁଯାୟୀ, ସ୍ଥାନୀୟ ଫାଟକ ଅଞ୍ଚଳରେ ଏଣେ ତେଣେ ବୁଲିବା ସହିତ ଭିକ୍ଷା କରି ଚଳୁଥିବା ଉକ୍ତ ବ୍ୟକ୍ତି ଜଣକ ସକାଳ ସମୟରେ ରେଳ ଧାରଣା ପାରି ହେଉଥିଲେ । ତେବେ ସେହି ସମୟରେ ଝାରସୁଗୁଡା ପଟରୁ ଆସୁଥିବା ସମଲେଶ୍ୱରୀ ଏକ୍ସପ୍ରେସ ସହିତ ଧକ୍କା ହୋଇ ପ୍ରାଣ ହରାଇଛନ୍ତି । ମୃତ ବ୍ୟକ୍ତିଙ୍କ ଆନୁମାନିକ ବୟସ ପ୍ରାୟ ୫୦ ବର୍ଷ ହେବ ।
ମୃତକଙ୍କ ପରିଚୟ ଜଣା ପଡି ନ ଥିବା ବେଳେ ଖବର ପାଇ ଜିଆରପି ପୁଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ କରି ସଂରକ୍ଷିତ ରଖିଛି । ଏ ନେଇ ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ମୃତକଙ୍କ ପରିଚୟ ଖୋଜୁଛି ବୋଲି ଥାନାଧିକାରୀ କହିଛନ୍ତି ।
Comments are closed.