କଟକ: କଟକସ୍ଥିତ ପ୍ରବନ୍ଧନ ଏବଂ ସୂଚନା ପ୍ରାଦ୍ୟୌଗିକ ସଂସ୍ଥାନ – ଆଇଏମଆଇଟି ସ୍ମାର୍ଟ ଇଣ୍ଡିଆ ହାକାଥନ୍ ୨୦୨୫ ପାଇଁ ସଫଳତାର ସହ ଆଭ୍ୟନ୍ତରୀଣ ହାକାଥନ୍ ଆୟୋଜନ କରିଛି। ଯୁବ ଉଦ୍ଭାବକମାନଙ୍କୁ ସେମାନଙ୍କ ସୃଜନଶୀଳତା, ସମସ୍ୟା ସମାଧାନ ଦକ୍ଷତା ଏବଂ ପ୍ରଯୁକ୍ତିବିଦ୍ୟା ବିଶେଷଜ୍ଞତା ପ୍ରଦର୍ଶନ କରିବା ପାଇଁ ଏହି ହାକାଥନ୍ ଏକ ମଞ୍ଚ ପ୍ରଦାନ କରିଛି।
ଦେଶବ୍ୟାପୀ ସ୍ମାର୍ଟ ଇଣ୍ଡିଆ ହାକାଥନ୍ ପଦକ୍ଷେପର ଅଂଶ ଭାବରେ ଆୟୋଜିତ ଆଭ୍ୟନ୍ତରୀଣ ହାକାଥନରେ ପ୍ରତିଷ୍ଠାନର ବିଭିନ୍ନ ବିଭାଗର ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ। ସଫ୍ଟୱେର୍ ବିକାଶ, ସ୍ମାର୍ଟ ଶିକ୍ଷା, ସ୍ୱାସ୍ଥ୍ୟସେବା, କୃଷି, ସାଇବର ସୁରକ୍ଷା, ସ୍ଥାୟିତ୍ୱ ଏବଂ ଡିଜିଟାଲ୍ ଶାସନ ଭଳି କ୍ଷେତ୍ରଗୁଡ଼ିକରେ ଆହ୍ବାନଗୁଡ଼ିକର ମୁକାବିଲା କରିବା ପାଇଁ ଛାତ୍ରଛାତ୍ରୀମାନେ ବିଭିନ୍ନ ଦଳରେ କାର୍ଯ୍ୟରେ କରିଥିଲେ। ପ୍ରତିଷ୍ଠାନର ଅଧ୍ୟକ୍ଷ ପ୍ରଫେସର ମାନସ ରଞ୍ଜନ କବାଟ କହିଛନ୍ତି, ଆଭ୍ୟନ୍ତରୀଣ ହାକାଥନ୍ କେବଳ ଏକ ପ୍ରତିଯୋଗିତା ନୁହେଁ, ଏହା ଛାତ୍ରଛାତ୍ରୀମାନଙ୍କ ପାଇଁ ଜ୍ଞାନକୁ ପ୍ରଭାବଶାଳୀ ସମାଧାନରେ ପରିଣତ କରିବାର ଏକ ଅନନ୍ୟ ସୁଯୋଗ।
କମ୍ପ୍ୟୁଟର ବିଜ୍ଞାନ ଏବଂ ଇଞ୍ଜିନିୟରିଂ ବିଭାଗର ମୁଖ୍ୟ ଡକ୍ଟର ସୁଭେନ୍ଦ୍ର କୁମାର ଜୟସିଂହ ସିଙ୍ଗଲ୍ ପଏଣ୍ଟ ଅଫ୍ କଣ୍ଟାକ୍ଟ ଭାବେ କାର୍ଯ୍ୟ କରିବା ସହ ଛାତ୍ରଛାତ୍ରୀମାନଙ୍କୁ ମାର୍ଗଦର୍ଶନ କରିଥିଲେ। କାର୍ଯ୍ୟକ୍ରମ ଶେଷରେ ବିଜେତା ଦଳଗୁଡ଼ିକୁ ସମ୍ମାନିତ କରାଯାଇଥିଲା।
