ନୂଆଦିଲ୍ଲୀ : କାର୍ ନିର୍ମାତା କମ୍ପାନୀ ସ୍କୋଡା ଏକ କାଫେ ରେସର କନସେପ୍ଟ ବାଇକର ଖୁଲାସା କରିଛି । ୧୮୯୯ରେ ଲଉରିନ୍ ଓ କ୍ଲେମେଣ୍ଟ ‘ସ୍ଲାଭିଆ ବି’ ନାମକ ଏକ ୨୪୦ ସିସି ପେଟ୍ରୋଲ ବାଇକ୍ ଲଞ୍ଚ୍ କରିଥିଲେ । ଏହା ୟୁରୋପରେ ନିଜ ରେସିଂ ପ୍ରଦର୍ଶନ ଓ ଭରସାଯୋଗ୍ୟ ଇଞ୍ଜିନ ପାଇଁ ଲୋକପ୍ରିୟ ଥିଲା । ପରେ ଏହି ବ୍ରାଣ୍ଡର ମିଶ୍ରଣ ସ୍କୋଡା ସହିତ ହୋଇଥିଲା ।
ନୂଆ ‘ସ୍ଲାଭିଆ ବି’ ସେହି ଐତିହାସିକ ବାଇକର ଇଲେକ୍ଟ୍ରିକ୍ ଟ୍ରିବ୍ୟୁଟ୍ କିନ୍ତୁ ଏଥିରେ ଇଲେକ୍ଟ୍ରିକ୍ ପାଓ୍ବର ଓ ମଡର୍ଣ୍ଣ ଡିଜାଇନ୍ ଯୋଡାଯାଇଛି । ବାଇକରେ ୟୁଏସଡି ଫୋର୍କ୍ସ, ସ୍କିକ୍ ଟାୟାର୍ସ, ଏଲଇଡି ହେଡଲାଇଟ୍ ଏଣ୍ଡ୍ ଡିଆରଏଲ୍ସ, ସାମ୍ନାରେ ସ୍କୋଡା ଲୋଗୋ ମିଳିବ । ବର୍ତ୍ତମାନ ଏହି ବାଇକକୁ ଲଞ୍ଚ୍ କରାଯିବନି । ପ୍ରାରମ୍ଭରେ ପେନସିଲ୍ ସ୍କେଚରେ ହୋଇଥିବା ଡିଜାଇନକୁ ଥ୍ରୀଡି ମଡେଲିଂ ଟୁଲ୍ସ ସାହାଯ୍ୟରେ ଫଟୋ ସାମ୍ନାକୁ ଆସିଛି ।
ଏଥିରେ ୨୪୦ ସିସି ସିଙ୍ଗଲ ସିଲିଣ୍ଡର ଏୟାର କୁଲ୍ଡ ଇଞ୍ଜିନ୍ ମିଳେ ଯାହା ୧.୭୫ ଏଚପିର ପାଓ୍ବର ଉତ୍ପନ କରିବାରେ ସକ୍ଷମ ହେବ । ଏହାର ସର୍ବାଧିକ ସ୍ପିଡ୍ ୪୦ କିଲୋମିଟର ପ୍ରତି ଘଣ୍ଟା ହେବ । ଏଥିରେ ଟ୍ରାନ୍ସମିଶନ ବା ଗିୟରବକ୍ସ ନଥିଲା । ଏଥିରେ ପେଡାଲ ଓ ଷ୍ଟାର୍ଟ ସପୋର୍ଟ ମିଳୁଥିଲା । ୧୮୯୯ ମସିହାରୁ ୧୯୦୪ ମସିହା ମଧ୍ୟରେ ସମୁଦାୟ ୫୪୦ଟି ୟୁନିଟ୍ ଉତ୍ପାଦନ ହୋଇଥିଲା ।
