ନୂଆଦିଲ୍ଲୀ : ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏବି) ଠକେଇ ମାମଲାର ମୁଖ୍ୟ ଅଭିଯୁକ୍ତ ତଥା ପଳାତକ ହୀରା ବ୍ୟବସାୟୀ ନୀରବ ମୋଦୀଙ୍କୁ ମଙ୍ଗଳବାର ଏକ ବଡ଼ ଝଟକା ଲାଗିଛି। ସିଙ୍ଗାପୁର ହାଇକୋର୍ଟ ମଙ୍ଗଳବାର ନୀରବ ମୋଦୀଙ୍କ ୪୪.୪୧ କୋଟି ଟଙ୍କାର ଜମା ଟଙ୍କାକୁ ଜବତ କରିବାକୁ ନିର୍ଦେଶ ଦେଇଛନ୍ତି। ପ୍ରବର୍ତ୍ତନ ନିର୍ଦେଶାଳୟ (ଇଡ଼ି)ର ଆବେଦନକୁ ଆଧାର କରି ସିଙ୍ଗାପୁର ହାଇକୋର୍ଟ ଏହି ପଦକ୍ଷେପ ନେଇଛି।
ସୂଚନା ଅନୁସାରେ ସିଙ୍ଗାପୁର ହାଇକୋର୍ଟ ସେଠାକାର ବ୍ୟାଙ୍କରେ ନୀରବ ମୋଦୀ ଏବଂ ତାଙ୍କ ଭଉଣୀଙ୍କ ନାମରେ ଜମା ୪୪ କୋଟି ଟଙ୍କା ଜବତ କରିବାକୁ ନିର୍ଦେଶ ଦେଇଛନ୍ତି। ଏହି ଟଙ୍କା ବ୍ରିଟେନର ଭର୍ଜିନ ଦୀପସ୍ଥିତ ପାଭିଲିଅନ ପଏଣ୍ଟ କର୍ପ କମ୍ପାନୀ ଖାତାରେ ଜମା ହୋଇଥିଲା। ପଳାତନ ନୀରବ ମୋଦୀଙ୍କ ଭିଣୋଇ ମୟଙ୍କ ମେହଟା ଏବଂ ଭଉଣୀ ପୂର୍ବୀ ମୋଦୀ ଏହି କମ୍ପାନୀର ମାଲିକ ଅଛନ୍ତି।
ଏହା ପୂର୍ବରୁ ଇଡି ଜୁରିଚରେ ନୀରବ ମୋଦୀ ଏବଂ ତାଙ୍କ ଭଉଣୀ ପୂର୍ବୀଙ୍କ ୬ ବ୍ୟାଙ୍କ ଖାତାକୁ ଜବତ କରିଥିଲେ। ଜୁରିଚ ଓ ସିଙ୍ଗାପୁରକୁ ମିଶାଇ ନୀରବ ମୋଦୀଙ୍କ ୧୦ଟି ଖାତା ଜବତ ହୋଇସାରିଛି। ପ୍ରକାଶ ଯେ ଲଣ୍ଡନ ଯିବା ପୂର୍ବରୁ ନୀରବ ମୋଦୀ ସିଙ୍ଗାପୁରରେ ନାଗରିକତା ପାଇଁ ଆବେଦନ କରି ବିଫଳ ହୋଇଥିଲେ। ଏବେ ସେ ଲଣ୍ଡନ ଜେଲରେ ବନ୍ଦୀ ଅଛନ୍ତି।
ପଳାତକ ନୀରବ ମୋଦୀଙ୍କୁ ବଡ଼ ଝଟକା, ସିଙ୍ଗାପୁରରେ ଜମା ୪୪ କୋଟି ଟଙ୍କା ଜବତ
Popular Categories
Previous article
Next article