ସିମୁଳିଆ: ଶ୍ୟାମସୁନ୍ଦରପୁର ପଞ୍ଚାୟତରେ ବିଧାୟକଙ୍କ ଦ୍ବାରା ତିନୋଟି ନୂତନ ପ୍ରକଳ୍ପର ଶୁଭ ଶିଳାନ୍ୟାସ କରାଯାଇଛି। ସୂଚନାରୁ ପ୍ରକାଶ, ବାଲେଶ୍ବର ଜିଲା ସିମୁଳିଆ ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତର କୁଅଁରପୁରଠାରେ ୧୦ଲକ୍ଷ ଟଙ୍କାର ପ୍ରକଳ୍ପ ମାର୍କେଟ କମ୍ପ୍ଲେକ୍ସ, ବିରଞ୍ଚିପୁରଠାରେ ୨ଲକ୍ଷ ୫୦ହଜାର ଟଙ୍କାର ମହିଳା ସମିତି ଗୃହ ଏବଂ ୫ଲକ୍ଷ ଟଙ୍କାର ମୁକୁନ୍ଦ ଚରଣ ପ୍ରାଇମେରୀ ସ୍କୁଲର ନୂତନ ଶ୍ରେଣୀ ଗୃହ ଆଦି ତିନୋଟି ପ୍ରକଳ୍ପକୁ ସିମୁଳିଆ ବିଧାୟକ ପଦ୍ମଲୋଚନ ପଣ୍ଡା ଉପସ୍ଥିତ ରହି ଫିତା କାଟି ଶୁଭ ଶିଳାନ୍ୟାସ କରିଛନ୍ତି। ଏହି ଅବସରରେ ମୁକୁନ୍ଦ ଚରଣ ପ୍ରାଇମେରୀ ସ୍କୁଲ ପରିସରରେ ୪୦ନଂ ଜୋନ୍ ଜିଲା ପରିଷଦ ରମେଶ ଚନ୍ଦ୍ର ସାହୁଙ୍କ ନେତୃତ୍ୱରେ ଏକ ସଭା ଆୟୋଜନ କରାଯାଇଥିଲା। ଏହି ସଭାରେ ବିଧାୟକ ଶ୍ରୀ ପଣ୍ଡାଙ୍କ ସମେତ ବିଜେପି ଯୁବନେତା ଅଣୁମାଧବ ପଣ୍ଡା, ବିଜେପି ନେତା ରାଧାରମଣ ପଟ୍ଟନାୟକ, ବିଜେପି ଯୁବ ମୋର୍ଚ୍ଚା ଜିଲ୍ଲା ଉପସଭାପତି ଅକ୍ଷୟ ବିଶ୍ୱାଳ, ମଣ୍ଡଳ ସଭାପତି ପ୍ରଦୀପ ରାୟ, ସମିତି ସଭ୍ୟ ଉତ୍ତମ କୁମାର ମହାନ୍ତି, ଜଗନ୍ନାଥ ଦାସ, ନଟ ମହାନ୍ତି, ପଞ୍ଚାୟତ ସଭାପତି ଜାଦବାନନ୍ଦ ମହାନ୍ତି, ଉପସଭାପତି ଗଦାଧର ବେହେରା, ଶରତ ବାରିକ ପ୍ରମୁଖ ଉପସ୍ଥିତ ରହି ନିଜ ବକ୍ତବ୍ୟ ରଖିଥିଲେ।
Popular Categories
Previous article
Next article