ନବଜୋତ ସିଂ ସିଦ୍ଧୁଙ୍କ ପତ୍ନୀଙ୍କ ରୋଷ – ପତିଙ୍କୁ ମୁଖ୍ୟମନ୍ତ୍ରୀ ପଦ ପାଇଁ ଘୋଷଣା ନ କରିବାରୁ କହିଲେ ଏପରି କଥା

ନୂଆଦିଲ୍ଲୀ – ପଞ୍ଜାବରେ ଚରଣଜିତ୍‌ ସିଂ ଚନ୍ନୀଙ୍କୁ କଂଗ୍ରେସ ମୁଖ୍ୟମନ୍ତ୍ରୀ ପ୍ରାର୍ଥୀ ବାବେ ଘୋଷଣା କରିଛି । ଏହାପରେ ଦଳ ଭିତରେ କନ୍ଦଳ ଦେଖାଦେଲାଣି । ମୁଖ୍ୟମନ୍ତ୍ରୀ ପଦ ପାଇଁ ଆଶାୟୀ ଥିବା ନବଜୋତ ସିଂ ସିଦ୍ଧୁ ପଞ୍ଜାବ ପାଇଁ କାମ କରିବେ ବୋଲି କହିଛନ୍ତି । ମାତ୍ର ତାଙ୍କ ପତ୍ନୀ କଂଗ୍ରେସର ଏପରି ପଦକ୍ଷେପକୁ ନେଇ ପ୍ରଶ୍ନ ଉଠାଇଛନ୍ତି । କଂଗ୍ରେସ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବା ପୂର୍ବରୁ ଶିକ୍ଷା ଏବଂ ବିଶ୍ୱାସନୀୟତାକୁ ପ୍ରାଥମିକତା ଦେବା ଆବଶ୍ୟକ ବୋଲି ସେ କହିଛନ୍ତି ।

#WATCH Congress leader Navjot K Sidhu,on being asked if Rahul Gandhi was misled on making decision for CM, says, “Yes…education should be counted for choosing someone at such a high position.Navjot Sidhu would’ve been right choice(for CM), irrespective of him being my husband.” pic.twitter.com/CZvHQOGPp1

— ANI (@ANI) February 8, 2022

ସିଦ୍ଧୁଙ୍କ ପତ୍ନୀ ଅନେକ ଦିନ ଧରି ରାଜନୀତିରେ ଅଛନ୍ତି । ପୂର୍ବରୁ ସେ ବିଧାୟିକା ଥିଲେ । ତାଙ୍କୁ କଂଗ୍ରେସ ପଞ୍ଜାବର ମୁଖ୍ୟମନ୍ତ୍ରୀ ପ୍ରାର୍ଥୀ ବିଷୟରେ ପଚରା ଯିବାରୁ ନବଜୋତ ସିଂ ସିଦ୍ଧୁ ଏଥିପାଇଁ ଉପଯୁକ୍ତ ପ୍ରାର୍ଥୀ ବୋଲି ସେ ଘୋଷଣା କରିଛନ୍ତି । ଏହି ପଦ ପାଇଁ କଂଗ୍ରେସ ବିଶ୍ୱାସନୀୟତା ଏବଂ ଶିକ୍ଷାକୁ ପ୍ରାଥମିକତା ଦେବା ଆବଶ୍ୟକ ବୋଲି କହି କହିଛନ୍ତି ।

କଂଗ୍ରେସ ପକ୍ଷରୁ ତାଙ୍କୁ ଚାରୋଟି ନିର୍ବାଚନ ପ୍ରଚାର ପାଇଁ ପଠାଇଥିଲା । ହେଲେ କୌଣସି କାରଣ ନ ଦର୍ଶାଇ ସେ ଏହାକୁ ରଦ୍ଦ କରିଦେଇଛନ୍ତି । ତାଙ୍କର ନିକଟ ଲୋକ ସ୍ୱାସ୍ଥ୍ୟଗତ କାରଣରୁ ଏହି ନିର୍ବାଚନୀ ସଭା ରଦ୍ଦ କରାଯାଇଥିବା କଥା ସୂଚନା ଦେଇଛନ୍ତି ।

ପଞ୍ଜାବର କଂଗ୍ରେସ ନେତା ଜାଖଡ ସକ୍ରିୟ ରାଜନୀତି ଛାଡିଦେବେ ବୋଲି ଘୋଷଣା କରିଛନ୍ତି । ଏଥିଯୋଗୁଁ କଂଗ୍ରେସକୁ ବଡ ଝଟକା ଲାଗିଛି ।