ନୂଆଦିଲ୍ଲୀ – ସଡକ ସୁରକ୍ଷା ପାଇଁ ସରକାର ବିଭିନ୍ନ ନିୟମ ପ୍ରଣୟନ କରିଛନ୍ତି । ସମୟ ଅନୁସାରେ ବିଭିନ୍ନ ନୂଆ ନିୟମ ମଧ୍ୟ ପ୍ରଣୟନ କରାଯାଉଛି ।
ଏବେ କାର୍ର ପଛ ସିଟ୍ରେ ବସୁଥିବା ଲୋକ ସିଟ୍ ବେଲ୍ଟ ଲଗାଇବା ପାଇଁ ବାଧ୍ୟ ବୋଲି ସରକାର ନୂଆ ନିୟମ ଆଣିବା ପାଇଁ ଯାଉଛନ୍ତି । ଏପରି ହେଲେ ଦୁର୍ଘଟଣା ବେଳେ ଜୀବନ ରକ୍ଷା ହୋଇ ପାରିବେ । ସଡକ ପରିବହନ ଏବଂ ରାଜପଥ ମନ୍ତ୍ରାଳୟ ପକ୍ଷରୁ ଏହି ଅଧିସୂଚନା ଜାରି କରିବାର ସମ୍ଭାବନା ରହିଛି । ଭାରତରେ ନିର୍ମାଣ କରାଯାଉଥିବା ଯାତ୍ରୀ କାର୍ମାନଙ୍କର ସୁରକ୍ଷା ମାନଦଣ୍ଡ ବୃଦ୍ଧି ପାଇଁ ସରକାର ଏହି ପଦକ୍ଷେପ ଗ୍ରହଣ କରିପାରିନ୍ତି ବୋଲି ବିଭାଗର ଜଣେ ବରିଷ୍ଠ ଅଧିକାରୀ ସୂଚଚନୀ ଦେଇଛନ୍ତି ।
ଭାରତରେ ଅଳ୍ପ କେତକ କାର୍କୁ ଛାଡି ଦେଲେ ଅନ୍ୟ କାର୍ମାନଙ୍କରେ ଏହି ମାନଦଣ୍ଡ ନାହିଁ । ପଛ ସିଟ୍ରେ ସିଟ୍ବେଲ୍ଟ ରହିଲେ ଦୁର୍ଘଟଣା ସମୟରେ ଅନେକଙ୍କ ଜୀବନ ରକ୍ଷା ହୋଇପାରିବ ବୋଲି ସେ କହିଛନ୍ତି । ଏହା ସହ ଚଳିତ ବର୍ଷ ଅକ୍ଟୋବରମାସ ଏକ ତାରିଖରୁ ସମସ୍ତ କାର୍ରେ ୬ଟି ଏୟାର ବ୍ୟାଗ ରହବି ଅନିବାର୍ଯ୍ୟ ହେବ ବୋଲି ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।
