ବୌଦ୍ଧ: ଭାରତ ସରକାରଙ୍କ ଏନଟିଏ ଦ୍ୱାରା ପରିଚାଳିତ ଏଫଏମଜିଇ (ବିଦେଶରେ ମେଡିକାଲ ଡିଗ୍ରୀ ପରୀକ୍ଷା) ୨୦୨୪ର ଫଳ ପ୍ରକାଶ ପାଇଛି। ଏହି ସର୍ଭଭାରତୀୟ ପରୀକ୍ଷାରେ ବୌଦ୍ଧର ମେଡିକାଲ ଛାତ୍ର ଡା. ସିଦ୍ଧାର୍ଥ ରାହୁଲ ମହାପାତ୍ର ଦ୍ୱିତୀୟ ସ୍ଥାନ ଅଧିକାର କରି ବୌଦ୍ଧ ପାଇଁ ଗୌରବ ଆଣିଛନ୍ତି। ସେ ୟୁକ୍ରେନର କିଭ୍ ମେଡିକାଲ ବିଶ୍ୱବିଦ୍ୟାଳୟରୁ ଡକ୍ଟର ଅଫ ମେଡିସିନ୍ରେ ଦେଶର ସର୍ବଶ୍ରେଷ୍ଠ ସ୍ନାତକ ସ୍ଥାନ ହାସଲ କରି ଚର୍ଚ୍ଚାରେ ରହିଥିଲେ । ପ୍ରଥମ ପଦାର୍ପଣ ପରୀକ୍ଷାରେ ସେ ଏହି ସଫଳତା ହାସଲ କରିଛନ୍ତି।
ଡା. ସିଦ୍ଧାର୍ଥ ବୌଦ୍ଧ ରାମେଶ୍ୱର ବିହାର ନିବାସୀ ବୌଦ୍ଧ ପଞ୍ଚାୟତ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ପ୍ରଶାନ୍ତ କୁମାର ମହାପାତ୍ର ଏବଂ ପ୍ରାଣୀ ବିଜ୍ଞାନ ବିଭାଗୀୟ ମୁଖ୍ୟ ଗୀତାଞ୍ଜଳୀ ମହାପାତ୍ରଙ୍କ ଏକମାତ୍ର ପୁତ୍ର ଅଟନ୍ତି । ୟୁକ୍ରେନ ଯୁଦ୍ଧ ଆରମ୍ଭ ସମୟରେ ସେ ଭାରତ ସରକାରଙ୍କ ନିର୍ଦ୍ଦେଶକ୍ରମେ ଅଧାରେ ଡାକ୍ତରୀ ଶିକ୍ଷା ଛାଡି ଭାରତ ଫେରିଥିଲେ । ପରେ ପୁନର୍ବାର ୟୁକ୍ରେନର କିଭ୍ ମେଡିକାଲ ବିଶ୍ୱବିଦ୍ୟାଳୟ ଡାକରାରେ ୟୁକ୍ରେନ ଯାଇ ଅନେକ ପ୍ରତିକୂଳ ପରିସ୍ଥିତି ମଧ୍ୟରେ ସଫଳତାର ସହିତ ନିଜର ଡାକ୍ତରୀ ଶିକ୍ଷା ସମାପ୍ତ କରିଥିଲେ । ସେ ବୌଦ୍ଧ କେନ୍ଦ୍ରୀୟ ବିଦ୍ୟାଳୟରେ ଦଶମ ପର୍ଯ୍ୟନ୍ତ ଓ ଭୁବନେଶ୍ୱର ଡିଏଭିରୁ ଦ୍ୱାଦଶ ଶିକ୍ଷା ସମାପ୍ତ ପରେ ଡାକ୍ତରୀ ପଢିବାକୁ ୟୁକ୍ରେନ ଯାଇଥିଲେ।
Comments are closed.