କଟକ, ଭୁବନେଶ୍ୱର ଓ ଭଦ୍ରକ ସହରରେ ଲାଗୁ ହେଲା ୪୮ଘଣ୍ଟିଆ ସଟ୍‍ ଡାଉନ୍‍

ଭୁବନେଶ୍ୱର : କଟକ, ଭୁବନେଶ୍ୱର ଓ ଭଦ୍ରକ ସହର ପାଇଁ ୪୮ଘଣ୍ଟିଆ ସମ୍ପୂର୍ଣ୍ଣ ବନ୍ଦ ବା ସଟ୍‍ ଡାଉନ୍‍ ଶୁକ୍ରବାର ରାତିରୁ ଲାଗୁ ହୋଇଛି। ସଟ୍‍ ଡାଉନ ସମୟ କର୍ଫ୍ୟୁ ତୂଲ୍ୟ ବୋଲି ଡିଜିପି ଅଭୟ କହିଛନ୍ତି । ସଟ୍‍ ଡାଉନ ସମୟରେ ବାହାରେ ବୁଲିଲେ ପୋଲିସ ଧରିନେଇ କ୍ୱାରେଣ୍ଟାଇନରେ ରଖିବ।  ଦୁଇ ସହରରେ  ପେଟ୍ରୋଲ ପମ୍ପ ଓ ବ୍ୟାଙ୍କ ବନ୍ଦ ରହିବ।

ରବିବାର ରାତି ୮ଟା ପର୍ଯ୍ୟନ୍ତ ସଟ୍‍ ଡାଉନ୍‍ ବଳବତ୍ତର ରହିବ । ଇତିମଧରେ ରାଜ୍ୟରେ କରୋନା ଭୂତାଣୁ ସଂକ୍ରମିତଙ୍କ ସଂଖ୍ୟା ୯କୁ ବୃଦ୍ଧି ପାଇଛି । ଶୁକ୍ରବାର ୪ଟି ପଜିଟିଭ ମାମଲା ସାମ୍ନାକୁ ଆସିଛି।

କଟକ ମହାନଗର ନିଗମ, ଭୁବନେଶ୍ବର ମହାନଗର ନିଗମ ଏବଂ ଭଦ୍ରକ ପୌରାଞ୍ଚଳରେ ୪୮ ଘଣ୍ଟା ପାଇଁ ଜାରି ହୋଇଥିବା ସଟ୍ ଡାଉନ୍ ପାଳନ ସଂକ୍ରାନ୍ତରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ରାଜ୍ୟବାସୀଙ୍କୁ ନିବେଦନ: pic.twitter.com/dgx9Bbrqe5

— I & PR Department, Odisha (@IPR_Odisha) April 3, 2020