ମୁମ୍ବଇ : ବର୍ଷ ୨୦୧୮ରେ ମୃତ୍ୟୁବରଣ କରିଥିବା ଘରେ ଘରେ ପରିଚିତ ବଲିଉଡ଼ର ପ୍ରସିଦ୍ଧ ଅଭିନେତ୍ରୀ ଶ୍ରୀଦେବୀଙ୍କର ରବିବାର(୨୪ ଫେବୃଆରୀ) ପ୍ରଥମ ଶ୍ରାଦ୍ଧ ବାର୍ଷିକୀ ପାଳନ କରାଯାଉଛି। ଏହି ଅବସରରେ ସ୍ୱାମୀ ବୋନୀ କପୁର ଶ୍ରୀଦେବୀଙ୍କ ଶାଢୀଗୁଡ଼ିକୁ ନିଲାମ କରିବେ ଏବଂ ସେଥିରୁ ଯେଉଁ ଅର୍ଥ ମିଳିବ ତାକୁ ଏକ ଜନକଲ୍ୟାଣ ସଂସ୍ଥାକୁ ଦାନ କରାଯିବ ବୋଲି ବୋନୀ କହିଛନ୍ତି। ଯାହା ଗରିବ ମହିଳା ଓ ଶିଶୁମାନଙ୍କ କଲ୍ୟାଣରେ ନିୟୋଜିତ ହେବ। ସୂଚନା ଅନୁସାରେ, ଏହି ଶାଢୀଗୁଡ଼ିକ ପାରିସେରା ୱେବସାଇଟ୍ ରେ ୪୦,୦୦୦ ଟଙ୍କାରୁ ଆରମ୍ଭ କରି ୧,୩୦,୦୦୦ ଟଙ୍କା ମୂଲ୍ୟରେ ନିଲାମ ହେବ।
ଉଲ୍ଲେଖଯୋଗ୍ୟ, ବଲିଉଡ଼ରେ ଶ୍ରୀଦେବୀ ଏକ ବିଶେଷ ସ୍ଥାନ ଗ୍ରହଣ କରିଥିଲେ। ସେ କେବଳ ଜଣେ ଅଭିନେତ୍ରୀ ନଥିଲେ ବରଂ ଜଣେ ଦୟାଳୁ ମଣିଷ ମଧ୍ୟ ଥିଲେ। ତାଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ ବଲିଉଡ଼ର ପ୍ରାୟ ସମସ୍ତ କଳାକାର ତାଙ୍କ ସହ ବିତାଇଥିବା ମୁହୂର୍ତ୍ତର ସ୍ମୃତିକୁ ତାଜା କରିଛନ୍ତି।
