ଋଷର ସ୍କୁଲରେ ଗୁଳିକାଣ୍ଡ: ୯ ମୃତ, ୨୦ ଆହତ

ମସ୍କୋ: କେନ୍ଦ୍ରୀୟ ଋଷ ସ୍ଥିତ ଇଜେଭସ୍କରେ ଏକ ବିଦ୍ୟାଳୟରେ ଗୁଳି ଚାଳନା ହୋଇଥିବା ଖବର ସାମ୍ନାକୁ ଆସିଛି। ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଏହି ଖବର ଚାଞ୍ଚଲ୍ୟ ସୃଷ୍ଟି କିରଛି। ଋଷର ଅଫିସିଆଲ ନ୍ୟୁଜ୍‌ ଏଜେନ୍ସି ଟାସ୍‌(TASS) ଏହି ସୂଚନା ଦେଇଛି। ଇଜେଭସ୍କର ୮୮ ନମ୍ବର ସ୍କୁଲରେ ଗୁଳି ଚାଳନା ହୋଇଛି। ଏଥିରେ ପ୍ରାୟ ୬ଜଣଙ୍କ ମୃତ୍ୟୁ ଘଟିଥିବା ବେଳେ ୨୦ ଜଣ ଆହତ ହୋଇଛନ୍ତି। ଆକ୍ରମଣକାରୀ କାହିଁକି ଗୁଳି ଚଳାଇଲେ ତାହା ଏପର୍ଯ୍ୟନ୍ତ ଜଣା ପଡିନାହିଁ।

The Investigative Committee of the #Russian Federation reports that nine people were killed in the school shooting in #Izhevsk – 5 schoolchildren, 2 guards and 2 teachers. pic.twitter.com/11s9PqLUuL

— NEXTA (@nexta_tv) September 26, 2022

ଟାସ୍‌ର ସୂଚନା ଅନୁସାରେ, ସୋମବାର ଋଷର ଇଜେଭସ୍କ ସ୍ଥିତ ଏକ ସ୍କୁଲରେ ଜଣେ ବନ୍ଧୁକଧାରୀ ଗୁଳି ଚଳାଇଥିଲା। ଟେଲିଗ୍ରାମ ମେସେଞ୍ଜର ଆପରେ ଦେଇଥିବା ବୟାନରେ ଅଞ୍ଚଳର ଗଭର୍ଣ୍ଣର ଆଲେକ୍ସଜାଣ୍ଡାର୍ ବ୍ରେଚଲୋଭ୍‌ କହିଛନ୍ତି ଯେ, ବିଦ୍ୟାଳୟରେ ଉଦ୍ଧାରକାରୀ ଦଳ ପହଞ୍ଚି ସାରିଛନ୍ତି। ମୃତକଙ୍କ ମଧ୍ୟରେ ପିଲାମାନେ ବି ଅଛନ୍ତି। ଆକ୍ରମଣକାରୀ ନିଜେ ମଧ୍ୟ ନିଜକୁ ଗୁଳି କରିଥିବା ଗଭର୍ଣ୍ଣର କହିଛନ୍ତି। ରୁଷର ଅନ୍ତରୀଣ ମନ୍ତ୍ରଣାଳୟ କହିଛି ଯେ, ଅତିକମରେ ୬ ଜଣଙ୍କର ମୃତ୍ୟୁ ଘଟିଥିବା ବେଳେ ୨୦ ଜଣ ଆହତ ହୋଇଛନ୍ତି।