ପଦ୍ମପୁର: ପଦ୍ମପୁର ବ୍ଲକ ପଦ୍ମପୁର ବସଷ୍ଟାଣ୍ଡ ବଜାର ଅଞ୍ଚଳରେ ଦୁର୍ଗତି ନାସିନୀ ମା ଦୁର୍ଗା ଙ୍କ ପୂଜା ପାଇଁ ଉତ୍ସବ ମୁଖର ହୋଇଉଠିଛି। ଦୁର୍ଗା ପୂଜା କମିଟି ତରଫରୁ ଶାରଦୀୟ ଦୁର୍ଗାପୂଜା ଆଜି ଠାରୁ ଧୁମୁଧାମରେ ଆରମ୍ଭ ହୋଇଛି। ମା ଦୁର୍ଗାଙ୍କ ଆକର୍ଷଣୀୟ ମୃଣ୍ମୟୀ ମୂର୍ତ୍ତି ସ୍ଥାପନ କରାଯିବା ସହ ସୁଦୃଶ୍ୟ ମେଢ଼ ସହିତ ତୋରଣ ଏବଂ ଆଲୋକ ମାଳାରେ ମଣ୍ଡପ ଝଲସି ଉଠୁଛି । ଏହି ପୂଜା କାର୍ଯ୍ୟରେ କର୍ତ୍ତା ଭାବେ ସଞ୍ଜୟ କୁମାର ସାହୁ ପୂଜା କାର୍ଯ୍ୟ ସମ୍ପାଦନ କରିଥିବା ବେଳେ ପୂଜକ ଭାବେ ପଣ୍ଡିତ କୌଳାଶ ରଥ ଶର୍ମା, ରବୀନ୍ଦ୍ରନାଥ ରଥ ପୂଜା କାର୍ଯ୍ୟ ଓ ଚଣ୍ଡୀପାଠ କରୁଛନ୍ତି।
ପୂଜା କମିଟିର ଲକ୍ଷଣ ସାହୁ, ଆଜିତ ଚୌଧୁରୀ, ଲିଟୁ ସାହୁ, ତ୍ରିନାଥ ପାଢ଼ୀ, ମଥୁରା ସାହୁ, ଅରୁଣ ପାଢ଼ୀ, ଓଡ଼ି ହେମରାଓ, ଇଛୁ ସ୍ୱାମୀ, ଅଜିତ ପାଢ଼ୀ ପ୍ରମୁଖ ପୂଜା କାର୍ଯ୍ୟ ପରିଚାଳନା କରୁଛନ୍ତି । ରବିବାର ଦଶହରା ଥିବାରୁ ବ୍ରତ ଧାରୀଙ୍କ ପ୍ରବଳ ଭିଡ ରହିବ ଏହାକୁ ଆଖି ଆଗରେ ରଖି କମିଟି ତରଫରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ସନ୍ଧ୍ୟାରେ ମା ଦୁର୍ଗାଙ୍କ ଦର୍ଶନ ପାଇଁ ଗହଳି ଲାଗି ରହୁଥିବା ଦେଖିବାକୁ ମିଳିଛି।
