ବେଗୁନିଆ : ଓଡ଼ିଶା ସରକାରଙ୍କ ଦ୍ୱାରା ପ୍ରଯୋଜିତ ଛାତ୍ରୀମାନଙ୍କ ପାଇଁ ଆତ୍ମ ସୁରକ୍ଷା ଶିବିର ବେଗୁନିଆ ମହାବିଦ୍ୟାଳୟରେ ଅନୁଷ୍ଠିତ ହୋଇଯାଇଛି। ଶିବିରକୁ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଦିଲ୍ଲୀପ କୁମାର ମିଶ୍ର ଉଦଘାଟନ କରିଥିଲେ। ଅତିଥି ଭାବେ ଉପାଧ୍ୟକ୍ଷ ଡ଼ଃ ମନମୋହନ ମିଶ୍ର ଯୋଗ ଦେଇଥିଲେ। ଏହି ଶିବିର ଗତ ୧୦ ତାରିଖଠାରୁ ଆରମ୍ଭ ହୋଇଥିବାବେଳେ ୨୩ ତାରିଖ ପର୍ଯ୍ୟନ୍ତ ଚାଲୁ ରହିବ। ଉକ୍ତ ଶିବିରରେ ଅତିଥିମାନେ ଛାତ୍ରୀମାନଙ୍କୁ ଶାରୀରିକ, ମାନସିକ ଓ ଆତ୍ମିକ ସୁରକ୍ଷା ପାଇଁ ଏହି ଶିବିରର ମହତ୍ଵ ବୁଝି ଏହି ଶିକ୍ଷାକୁ ଜୀବନରେ ଉପଯୋଗ କରିବା ପାଇଁ ଆହ୍ଵାନ ଦେଇଥିଲେ। ଶିବିରକୁ କୋଅର୍ଡିନେଟର ଅଧ୍ୟାପିକା ଆରାଧନା ମହାପାତ୍ର ପରିଚାଳନା କରି ସଚେତନତା ସହ ନିଜର ସୁରକ୍ଷା ଦାୟିତ୍ୱ ନେବା ପାଇଁ ଛାତ୍ରୀମାନଙ୍କୁ ପ୍ରେରଣା ଦେଇଥିଲେ। ଶିବିରରେ ମାଷ୍ଟର ଟ୍ରେନର ପୂଜା ସେଠୀ କାର୍ଯ୍ୟକ୍ରମର ଶୁଭାରମ୍ଭ କରିବା ସହ ଶିବିରରେ ୧୧୬ ଜଣ ଛାତ୍ରୀ ଉପସ୍ଥିତ ରହି ଶିକ୍ଷା ଗ୍ରହଣ କରିଛନ୍ତି।
Popular Categories
Previous article
Next article