ବିରଳ ଦୃଶ୍ୟ: ଭିଡିଓରେ ଦେଖନ୍ତୁ ମହାକାଶରୁ କିପରି ଖସିଲା ଓ ଭୂପୃଷ୍ଠରେ ଅବତରଣ କଲା ଷ୍ଟାରଲାଇନର

ସମାଜ ଡିଜିଟାଲ ଡେସ୍କ: ଶନିବାର ଆମେରିକୀୟ ମହାକାଶ ଗବେଷଣା ସଂସ୍ଥା ନାସାର ସ୍ପେସକ୍ରାଫ୍ଟ ବୋଇଂ ଷ୍ଟାରଲାଇନର ମହାକାଶରୁ ଫେରିଛି। ଅନ୍ତର୍ଜାତୀୟ ମହାକାଶ କେନ୍ଦ୍ର(ଆଇଏସଏସ)ରୁ ଷ୍ଟାରଲାଇନର ବିଚ୍ଛିନ୍ନ ହୋଇ ପୃଥିବୀ ଅଭିମୁଖେ ଯାତ୍ରା କରିବା ସହିତ ସଫଳତାର ସହ ଭୂପୃଷ୍ଠରେ ଅବତରଣ କରିଛି।

The uncrewed #Starliner spacecraft is backing away from the @Space_Station after undocking from the Harmony module’s forward port at 6:04pm ET (2204 UTC). pic.twitter.com/uAE38ApiJw

— NASA (@NASA) September 6, 2024

ନ୍ୟୁ ମେକ୍ସିକୋରେ ଷ୍ଟାରଲାଇନର କ୍ୟାପସୁଲ ଶନିବାର ପୂର୍ବାହ୍ନରେ ଅବତରଣ କରିଥିଲା। ଏହାର ବିରଳ ଦୃଶ୍ୟ ଶେୟାର କରିଛି ନାସା। ଅନ୍ତର୍ଜାତୀୟ ମହାକାଶ କେନ୍ଦ୍ରରୁ ଷ୍ଟାରଲାଇନର କିପରି ବିଚ୍ଛିନ୍ନ ହୋଇ ଭୂପୃଷ୍ଠକୁ ଆସିଲା ଏବଂ କିପରି ଭୂପୃଷ୍ଠରେ ଅବତରଣ କଲା ତାହାର ଦୃଶ୍ୟ ଦେଖିବାକୁ ମିଳିଛି କିଛି ଭିଡିଓରେ।

Touchdown, #Starliner! The uncrewed spacecraft landed at New Mexico’s White Sands Space Harbor at 12:01 am ET (0401 UTC) on Saturday, Sept. 7. pic.twitter.com/Q5lITEzATn

— NASA (@NASA) September 7, 2024

ସୂଚନାଯୋଗ୍ୟ, ଏହି ଷ୍ଟାରଲାଇନର ସ୍ପେସକ୍ରାଫ୍ଟ ଜରିଆରେ ମହାକାଶଚାରୀ ସୁନୀତା ଓ୍ବିଲିୟମ୍ସ ଏବଂ ବୁଚ୍‌ ଓ୍ବିଲମୋର ମହାକାଶ ଯାତ୍ରା କରିଥିଲେ। ଯାନ୍ତ୍ରିକ ବୈଷୟିକ ତ୍ରୁଟି ଯୋଗୁ ଷ୍ଟାରଲାଇନରରେ ଉଭୟ ମହାକାଶଚାରୀ ଫେରିପାରି ନାହାନ୍ତି। କେବଳ ମହାକାଶ ଯାନକୁ ନାସା ଫେରାଇ ଆଣିଛି। ଏହା ସଫଳତାର ସହିତ ଅବତରଣ କରିବ କି ନାହିଁ ତାହାକୁ ନେଇ ନାନା ସନ୍ଦେହ ରହିଥିଲା। କିନ୍ତୁ ଶେଷରେ ତାହା ସଫଳତାର ସହିତ ପହଞ୍ଚିଛି।