ସମାଜ ଡିଜିଟାଲ ଡେସ୍କ: ଭାରତୀୟ ବଂଶୋଦ୍ଭବ ସୁନୀତା ୱିଲିୟମ୍ସ ଆମେରିକୀୟ ମହାକାଶ ଗବେଷଣା ସଂସ୍ଥା ନାସା ପକ୍ଷରୁ ମହାକାଶ ଯାତ୍ରା କରିଛନ୍ତି। ତାଙ୍କର ଏହି ଯାତ୍ରା ସଫଳ ହୋଇଛି। ବୋଇଂ ଷ୍ଟାରଲାଇନର୍ ମହାକାଶ ଯାନ ଦ୍ୱାରା ସୁନୀତା ଏବଂ ତାଙ୍କ ସହ ପାଇଲଟ୍ ବଚ୍ ୱିଲମୋର୍ ମହାକାଶରେ ଅବତରଣ କରିଛନ୍ତି। ଅନ୍ତର୍ଜାତୀୟ ମହାକାଶ କେନ୍ଦ୍ର (ଆଇଏସଏସ)ରେ ସୁନୀତାଙ୍କ ମହାକାଶ ଯାନ ପହଞ୍ଚିଛି। ଏହି ଅବସରରେ ଖୁସିରେ ଆତ୍ମବିଭୋର ହୋଇ ସୁନୀତା ନାଚୁଥିବାର ଦେଖୁଥିବା ମିଳିଥିଲା। ଏହି ମହାକାଶ ଯାତ୍ରା ଦ୍ୱାରା ସୁନୀତା ଏକ ଐତିହାସିକ କିର୍ତ୍ତୀମାନର ଅଧିକାରୀ ହୋଇଛନ୍ତି। ମହାକାଶ ଯାତ୍ରାରେ ସେ ପ୍ରଥମ ମହିଳା ପାଇଲଟ ସହିତ ଏକ ନୂଆ ସ୍ପେସ୍କ୍ରାଫ୍ଟକୁ ଚଳାଇବାର ରେକର୍ଡ କରିଛନ୍ତି।
Hugs all around! The Expedition 71 crew greets Butch Wilmore and @Astro_Suni aboard @Space_Station after #Starliner docked at 1:34 p.m. ET on June 6. pic.twitter.com/wQZAYy2LGH
— Boeing Space (@BoeingSpace) June 6, 2024
ସୁନୀତା ଏବଂ ତାଙ୍କ ସହ ପାଇଲଟ୍ ଗୁରୁବାର ଅନ୍ତର୍ଜାତୀୟ ମହାକାଶ କେନ୍ଦ୍ରରେ ପହଞ୍ଚିଥିଲେ। ସେମାନେ ପହଞ୍ଚିବା ପରେ ମହାକାଶ କେନ୍ଦ୍ରରେ ଥିବା ଅନ୍ୟ ମହାକାଶଚାରୀମାନେ ପାରମ୍ପରିକ ବେଲ୍ ବଜାଇ ଉଭୟଙ୍କୁ ସ୍ୱାଗତ କରିଥିଲେ। ସୁନୀତା ସେଠାରେ ପହଞ୍ଚିବା ପରେ ବେଶ୍ ଖୁସି ଥିବା ଦେଖିବାକୁ ମିଳିଥିଲା।
ସୂଚନାଯୋଗ୍ୟ, ଗତ ବୁଧବାର ଦିନ ଫ୍ଲୋରିଡାସ୍ଥିତ କେପ୍ କାନାଭେରାଲ ସ୍ପେଶ୍ ଫୋର୍ସ ଷ୍ଟେଶନରୁ ସୁନୀତା ଏବଂ ୱିଲମୋର ମହାକାଶ ଅଭିମୁଖେ ଯାତ୍ରା ଆରମ୍ଭ କରିଥିଲେ। ୨୬ ଘଣ୍ଟାର ଯାତ୍ରା ପରେ ସେମାନେ ଅନ୍ତର୍ଜାତୀୟ ମହାକାଶ କେନ୍ଦ୍ରରେ ପହଞ୍ଚିଥିଲେ। ସ୍ପେସ୍କ୍ରାଫ୍ଟରେ ସାମାନ୍ୟ ବୈଷୟିକ ତ୍ରୁଟି ଯୋଗୁ ସେମାନେ ୧ ଘଣ୍ଟା ବିଳମ୍ବରେ ପହଞ୍ଚିଥିଲେ।
Listen to the @Space_Station crew’s remarks welcoming #Starliner Crew Flight Test commander Butch Wilmore and pilot @Astro_Suni to ISS after entering today at 3:45 p.m. ET. pic.twitter.com/2TGVNQW89r
— Boeing Space (@BoeingSpace) June 6, 2024
ବୋଇଂ ଷ୍ଟାରଲାଇନର ସ୍ପେସକ୍ରାଫ୍ଟଟି ସ୍ପେସ୍ଏକ୍ସ କ୍ରିୟୁ ମଡ୍ୟୁଲର ଉପଯୁକ୍ତ ବିକଳ୍ପ ହୋଇପାରିବ କି ନାହିଁ ତାହାର ପରୀକ୍ଷଣ ପାଇଁ ଏହି ଯାତ୍ରା ଆୟୋଜନ କରାଯାଇଛି ବୋଲି ନାସା ପକ୍ଷରୁ କୁହାଯାଇଛି। ସୂଚନାଯୋଗ୍ୟ, ପୂର୍ବରୁ ଅନେକ ଥର ସୁନୀତା ଏହି ସ୍ପେସ୍କ୍ରାଫ୍ଟରେ ମହାକାଶ ଯାତ୍ରା କରିବାକୁ ଦିନ ଧାର୍ଯ୍ୟ ହୋଇଥିଲା। କିନ୍ତୁ ଶେଷ ମୁହୂର୍ତ୍ତରେ ବୈଷୟିକ ତ୍ରୁଟି ଯୋଗୁ ଯାତ୍ରା ଘୁଞ୍ଚାଯାଇଥିଲା।
