ବୁର୍ଲା: ବୁର୍ଲା ଭିମସାରରେ ଘଟିଥିବା ଅଗ୍ନିକାଣ୍ଡକୁ ଆୟତ୍ତ କରିଥିବା ହସପିଟାଲର ତିନିଜଣ ସୁରକ୍ଷା କର୍ମଚାରୀଙ୍କୁ ଶନିବାର ହସପିଟାଲର ଭାରପ୍ରାପ୍ତ ପ୍ରଶାସନିକ ଅଧିକାରୀ ଡଃ ବେଣୁଧର ପାଣ୍ଡେ ଉତ୍ସାହିତ କରିବା ପାଇଁ ପୁରସ୍କୃତ କରିଛନ୍ତି। ତିନିଜଣ ସୁରକ୍ଷା କର୍ମୀ ହେଲେ ବଲାଙ୍ଗିର ଜିଲ୍ଲା ଦେଓଗାଁର ଗୋକୁଳ ରୋହିଦାସ, ଟିଟୁ ପ୍ରଧାନ ଓ ସଞ୍ଜିବ ପଟ୍ଟନାୟକ।
ଶୁକ୍ରବାର ବୁର୍ଲା ଭିମସାରର ଡାଇଲିସିସ୍ ସଂଲଗ୍ନ କୋଠାରେ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ବେଳେ ତିନି ଜଣ ସୁରକ୍ଷା କର୍ମୀ ସାହସିକତା ଦେଖାଇ ଅଗ୍ନିନିର୍ବାପକ ଯନ୍ତ୍ର ସାହାଯ୍ୟରେ ନିଆଁକୁ ଆୟତ୍ତ କରିଥିଲେ। ତେବେ ସେମାନଙ୍କର ସାହସିକତା ପାଇଁ ଆଜି ହସପିଟାଲ ତରଫରୁ ଏହି ପୁରସ୍କାର ପ୍ରଦାନ କରାଯାଇଛି। ପୁରସ୍କାର ବାବଦରେ ସେମାନଙ୍କୁ ଡା ପାଣ୍ଡେ ୨ହଜାର ଟଙ୍କା ଲେଖାଏଁ ଅର୍ଥ ରାଶି ପ୍ରଦାନ କରିଛନ୍ତି।
