ରାସ୍ତାରେ ଏମିତି କରୁଥିଲେ ସ୍କୁଟର ଚାଳକ: ଓହ୍ଲାଇ ଆସି ସାବାଡ୍ କଲେ ଆର୍ମି ଅଧିକାରୀ, ଭିଡିଓ ଭାଇରାଲ

ନୂଆଦିଲ୍ଲୀ : ରାସ୍ତାରେ ଗାଡି ଚଳାଇବା ସମୟରେ ଅନେକ ଦିଗ ପ୍ରତି ସଚେତନ ହେବା ଉଚିତ୍ । ନଚେତ୍ ଆପଣ ହଇରାଣରେ ପଡିପାରନ୍ତି । ଏମିତି ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି ଯାହା ସମସ୍ତଙ୍କ ଧ୍ୟାନ ଆକର୍ଷଣ କରୁଛି । ରାସ୍ତାରେ ଜଣେ ସ୍କୁଟର ଚାଳକ ରଙ୍ଗ୍ ସାଇଡରେ ଗାଡି ଚଳାଇଆସି ଦାଦାଗିରି ଦେଖାଉଥିଲେ । ଏହା ମଧ୍ୟରେ ଜଣେ ଆର୍ମି ମ୍ୟାନ୍ ଜିପରୁ ଓହ୍ଲାଇଆସି ତାଙ୍କୁ ତାଗିଦ କଲେ । ଏହି ଦୃଶ୍ୟ ଏବେ ଭାଇରାଲ ହେବାରେ ଲାଗିଛି ।

Satisfying videos road rage version pic.twitter.com/LSETqhvU0K

— Madhur (@ThePlacardGuy) August 25, 2024

ଭାଇରାଲ ଭିଡିଓରେ ଜଣେ ବ୍ୟକ୍ତି ଭୁଲ ଦିଗରୁ ଗାଡି ଚଳାଇଆସି ଏକ କାର ସମ୍ମୁଖରେ ଅଟକାଇ ଦାଦାଗିରି ଦେଖାଉଛି । ଭୁଲ ରାସ୍ତାରେ ଆସିବା ସତ୍ତ୍ବେ ସେ ସାମ୍ନା ଗାଡି ଚାଳକଙ୍କୁ ଭୁଲ୍ ବୋଲି କହୁଥିବା ସମୟରେ ନିକଟରେ ଏକ ଆର୍ମି ଗାଡିରୁ ଜଣେ ଅଧିକାରୀ ବାହାରି ଆସି ତାଙ୍କୁ ତାଗିଦ କରୁଛନ୍ତି । ସେ ତାଙ୍କୁ ପ୍ରଥମେ ପାଟି କରିବା ପରେ ଗାଡିରୁ ଏକ ବଡ ବାଡି ମଧ୍ୟ ନେଇଆସୁଛନ୍ତି । ଏହା ମଧ୍ୟରେ ଟ୍ରାଫିକ ପୁଲିସ ପହଞ୍ଚିଯାଉଛନ୍ତି । ଏହି ଭିଡିଓଟି ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।

ଏହି ୪୦ ସେକେଣ୍ଡର ଭିଡିଓକୁ ପ୍ରାୟ ୫ ଲକ୍ଷରୁ ଅଧିକ ଲୋକ ଦେଖିସାରିଲେଣି । ସମସ୍ତେ ଏହାକୁ ସେୟାର କରିବା ସହ ପ୍ରତିକ୍ରିୟା ରଖି ସେହି ସ୍କୁଟର ଚାଳକଙ୍କୁ ରାସ୍ତା ନିୟମ ମାନି ଚଳିବା ପାଇଁ ପରାମର୍ଶ ଦେଉଛନ୍ତି ।