ତ୍ରିପୁରାରେ ସାନି ମତଦାନ ମାମଲାର ଅଗ୍ରାଧିକାର ଭିତ୍ତିରେ ଶୁଣାଣି କରିବାକୁ ମନାକଲେ ସୁପ୍ରିମକୋର୍ଟ

ଅଗରତାଲା: ପଶ୍ଚିମ ତ୍ରିପୁରା ସଂସଦୀୟ ଆସନରେ ସାନି ମତଦାନ ପାଇଁ ବିରୋଧୀ ସିପିଆଇଏମ ପ୍ରାର୍ଥୀ ଶଙ୍କର ପ୍ରସାଦ ଦତ୍ତଙ୍କ ଦ୍ୱାରା ଆଗତ ମାମଲା ସୁପ୍ରିମକୋର୍ଟ ବିଚାର ପାଇଁ ଗ୍ରହଣ କରିବା ପରେ ବାମ ଦଳଗୁଡିକ ପକ୍ଷରୁ ବିକ୍ଷୋଭ ପ୍ରଦର୍ଶନ ଜାରୀ ରଖିବା ପାଇଁ ଘୋଷଣା କରାଯାଇଛି। ସୁପ୍ରିମକୋର୍ଟ ଏହି ମାମଲା ବିଚାର ପାଇଁ ଗ୍ରହଣ କରିଥିଲେ ମଧ୍ୟ ଅଗ୍ରାଧିକାର ଭିତ୍ତିରେ ଶୂନନି କରିବାକୁ ପ୍ରତ୍ୟାଖାନ କରିଛନ୍ତି।

ମେ ୧୨ରେ ସେଠାରେ ପୁନଃ-ମତଦାନ ପାଇଁ ଧାର୍ଯ୍ୟ ହୋଇଥିବାରୁ, ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ସିପିଆଇଏମ ଅଗ୍ରାଧିକାର ଭିତ୍ତିରେ ଶୁଣାଣି ପ୍ରସଙ୍ଗକୁ ଏଡାଇ ଯାଇଛନ୍ତି। ବାମ ସାମ୍ମୁଖ୍ୟ ଅଧ୍ୟକ୍ଷ ବିଜନ ଧର କହିଛନ୍ତି, ସୁପ୍ରିମକୋର୍ଟ ଏହି ମାମଲାରେ ତ୍ୱରିତ ଶୁଣାଣି ପାଇଁ ରାଜି ହୋଇ ନ ଥିବାରୁ, ବାମ ସାମ୍ମୁଖ୍ୟ ନିଜ ଦମରେ ନିର୍ବାଚନ ଲଢ଼ିବ।