ନୂଆଦିଲ୍ଲୀ : ଦେଶର ସବୁଠାରୁ ବଡ ସରକାରୀ ବ୍ୟାଙ୍କ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଫିକ୍ସ୍ଡ ଡିପୋଜିଟର ସୁଧ ହାର ବୃଦ୍ଧି କରିଛି । ଷ୍ଟେଟ୍ ବ୍ୟାଙ୍କ ୪୬ ଦିନରୁ ୧୭୯ ଦିନ ପର୍ଯ୍ୟନ୍ତ ଏଫଡି ସୁଧ ହାରକୁ ୪.୭୫ ପ୍ରତିଶତରୁ ବଢାଇ ୫.୫୦ ପ୍ରତିଶତ କରିଛି । ସେହିଭଳି ୧୮୦ ଦିନରୁ ୨୧୦ ଦିନ ପର୍ଯ୍ୟନ୍ତର ଏଫଡିରେ ସୁଧ ହାର ୫.୭୫ ପ୍ରତିଶତ ବଦଳରେ ୬ ପ୍ରତିଶତ କରାଯାଇଛି ।
୨୧୧ରୁ ୧ ବର୍ଷରୁ କମ୍ ସମୟର ଏଫଡିରେ ଏବେ ୬ ପ୍ରତିଶତ ବଦଳରେ ୬.୨୫ ପ୍ରତିଶତ ସୁଧ ମିଳିବ । ତେବେ ଅନ୍ୟ ଅବଧିର ଏଫଡି ସୁଧ ହାରରେ କୌଣସି ପରିବର୍ତ୍ତନ କରାଯାଇନି । ଏହି ସୁଧ ହାର ମେ ୧୫ରୁ ଲାଗୁ ହୋଇଯାଇଛି । ସୁଧର ଏହି ହାର ୨ କୋଟିରୁ କମ୍ ଏଫଡି ପାଇଁ ଉପଲବ୍ଧ କରିଛି ବ୍ୟାଙ୍କ ।
ଏଫଡିରୁ ମିଳୁଥିବା ସୁଧ ଉପରେ ସମ୍ପୂର୍ଣ୍ଣ ରୂପେ କର ଦେବାକୁ ପଡିଥାଏ । ଆପଣ ଏକ ବର୍ଷରେ ଏଫଡିରେ ଯେଉଁ ସୁଧ ଆୟ କରନ୍ତି ତାହା ଆପଣଙ୍କ ବାର୍ଷିକ ଆୟ ସହିତ ଯୋଡିହୋଇଥାଏ । ସମୁଦାୟ ଆୟ ଆଧାରରେ ଆପଣଙ୍କ କର ସ୍ଲାବ୍ ନିର୍ଦ୍ଧାରିତ ହୋଇଥାଏ । ଏଫଡିରୁ ଅର୍ଜିତ ସୁଧ ଆୟକୁ ‘ଅନ୍ୟ ଉତ୍ସରୁ ଆୟ’ ବୋଲି ବିବେଚନା କରାଯାଏ ସେଥିପାଇଁ ଟିଡିଏସ୍ ଚାର୍ଜ କରାଯାଏ । ଯେବେ ଆପଣଙ୍କ ବ୍ୟାଙ୍କ ଆପଣଙ୍କ ସୁଧ ଆୟକୁ ଆପଣଙ୍କ ଖାତାରେ ଜମା କରିଥାଏ ସେହି ସମୟରେ ଟିଡିଏସ୍ କଟାଯାଏ ।
Comments are closed.